[خالدخليفة]

ماااااااااااااااشى ياعم كروزير ومع انى كنت ناوى لك نية زى الزفت فى مشوار بورسعيد لكن واضح ان الحاجة الوالدة بتدعيلك جاااااااااااااااااااااااا ااامد
وياااااااااااأأسفاه طلع لى مشوار صغير يوم الجمعة لحد وادى النطرون
عموما هتروح منى فين طالما عايشين يبقى الجايات كتير
وعلى فكرة بعد المواقف العصيبة اللى مريت بيها فى السفر انا لميت دقنى خااااااااااااالص يعنى بقت حاجة كده على ما قسم (بضم القاف والسين)
المهم نكمل
مرة مسافرين قبلى فى سنة 1999 وعلى فكرة السنة دى كانت سنة كبيسة على المنيا واسيوط بسبب المعارك الكتير بين الحكومة والجماعات الاسلامية
وكانت العربية مليانة بضاعة وحصل موقف عجيب جدا
فى الصعيد زى م قلنا قبل كده غير بحرى فى بحرى بين كل محافظة ومحافظة كمين مرور وامن دولة لكن فى قبلى كل مركز فى اوله كمين واخره كمين (بينه وبينه المركز اللى بعده )
المهم العربية احتاجت بنزين ( والاسطى جمال صاحب العربية كان شخصية لذيذة خااااالص وكنا اصحاب جدا ولولا قلبى الميت كان يمكن ييجى يعزل ويسكن جنبى لكنه بسبب مغامرات السفر فكان مبيصدق الرحلة تخلص واول م انزل من العربية ينطق الشهادتين ويطييييييييييييييير)
المهم لقينا محطة بنزين فى مدخل المنيا خش ياحاج جمال ويقول لافى واحدة ادام احسن منها قال يعنى حافظ المنيا وكل شبر فيها انا اتفرست /احسن فى ايه ياعم جمال يعنى بيدوك زيادة والا بيعملو خصم والا بيحطو سكر على البنزين فيرد رد اى كلام وافهم انه عايز يورينى انه تفوق عليا فى خريطة مصر المهم نعدى على محطة تانية يقول لا فيه واحدة تانية ادام دخلنا كمين المنيا قلت استر يارب ملقيناش حد افتح ياعم جمال فتح السرعة وجات محطة تالتة خش ياعم جمال ويقول لا اللى جاية احسن يادى النيلة احسن فى ايه بس المهم دخلنا المحطة اللى عليها العين والنيه ولقيناها محطة حقيرة ومتساويش 3 ابيض فضحكت ف سرى وسكتت لكن اول م دخلنا ووقفت العربيه حدث مالايحمد كعباه على( راى عبد الفتاح القصرى )
لقينا عربية أمن الدولة بتاعة الكمين وقفت تمون قصادنا والظابط شافنا ولا اللى لقى لقية بعت العسكرى وقال لو سمحت يابهوات بطايقكو قلت فى سرى مفيش فايدة مش ممكن مشوار يعدى كده ابدا طلعنا البطايق وبعد كلام بص لى الظابط اوى واتفرج عليا من فوق لتحت ونظر نظرة عميقة فانا قلت ف سرى آآآآآآآآآآآآآآآه مش مروحين وبعدين سكت شوية وفكر
وفجأة
قال انت منين فانا فاهم لو قلت صعيدى مش مروح فعملت عبيط وقلت من مصر فقال منين هناك قلت من الزيتون وبحلق اوى كده وقال والله العظيم ؟ قلت اه والله تعرف فلان فقلت معرفوش قال دده حبيبى اوى طب اقول له ايه ده( ده انا ف سرى) فقال خلاص طالما طلعنا جيران همشيك ولو احتجت اى خدمة انا النقيب فلان (زمانه بقى عقيد دلوقت) انا جنبك فى شارع يوسف عباس
جنبى منين بس ده بيننا ساعة بالمواصلات (ده انا فى سرى برضه) قلت له عينى ياباشا
ومشينا