20-07-2010, 06:37 AM
|
 |
من انا؟: عاملنى الله بفضله, لكننى بارزته بالمعاصى
التخصص العملى: Vasc-man
هواياتي: المشى
|
|
تاريخ التسجيل: Feb 2010
الموقع: الدقهلية - المنصورة - شارع جيهان
المشاركات: 589
|
|
رد: ما معنى العربية فيها مرامات
السلام عليكم و رحمة الله و بركاته
سيادتك , قصدك , مرمات , وهى لما تكون العربية فيها مناطق صغيرة و محدودة جدا محتاجة سمكرة و دوكو على أدها, زى البارومة اللى فى العتب, لما تكون العربية فيها حتتين بارومة صغيرين فى العتب, مش معقول هتسمكر العربية و ترشها كلها عشان الحتتين دول, تقوم تروح لسمكرى ابن حلال و فنان و ايديه تتلف فى حريرو يقوم قاصص الحتتين دول و يلحملك مكانهم حتتين صاج مجلفن تانيين بعد ما يشكلهملك بنفس شكل الحتتين اللى اتقصوا و تروح لواحد بتاع دوكو يرشهملك من غير مايبان أن هناك فرق لون و ممكن بالمرة لو العربية فيها أى خبطات صغيرة أو نغزات صغيرة , تعملهم بالمرة كمان و ترش على أدهم بس و المهم تروح لواحد بوهيجى شاطر , يظبطلك اللون بالكومبيوتر و بعد ماترش الحتت اللى كان فيها شغل, تقوم تلمع العربية كلها , يبقى أنت كده عملت المرمات اللى فى العربية .
كلمة مرمات , جايه من ( ترميم )
مرسيدس
__________________
MERCEDES E-class
بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|