[Injection]

طب خدوا دى:-
مرة الوالد الله يرحمه كان رايح مدينة السلام بالليل, وكان ساعتها معاه سيات, وكان ماشى على شمال مقطورة, المهم شوية كده والمقطورة حدفت عليه و هو يزمر مفيش, قامت المقطورة خبطاه والعربية أتقلبت ومشيت على جنبها مسافة ووقفت, والناس أتلمت واللى يقول الراجل مات وأطلبوا الأسعاف, وفجأه لقوه طالع من العربية بيضحك ونزل طلب منهم يعدلوها معاه ودورها دارت وقام واخدها ومروح.
ومرة تانية وهو ماشى بيها الماتور وقع.
ومرة تالتة كنت أنا لسه صغير وكنا بنجيب حاجات من السوبر ماركت وركبنا السيات, وبعد ما خلصنا ركبت جنبه وقفلت الباب وهو ماشى على 40 قام الباب بتاعى أتفتح وكنت ساند عليه وهوبا بقيت بره العربية بس محصلش حاجة الحمد لله.
وأستاذ أحمد بدر الحمد لله أن ربنا نجاك, أنت الوحيد اللى فى الموضوع اللى قرب من الموت بجد وربنا أنقذه.
وياريت ياجماعة لما تبقى ماشى جنب ميكروباص أو مقطورة أو تاكسى تتوقع الأسوأ وتحاول أنك تكون مستعد وعارف أنت هتكسر يمين ولاشمال ولا هتضرب فرامل لو حاجة حصلت.