رد: حقيقة الميجان
بص يا محمد.....الموضوع طول قوى و بقى بايخ بالنسبة لأى حد جديد عاوز يستفيد.........
أنا مش هرد تانى مش عشان معرفش أرد......لأ أعرف أرد كويس قوى......ده أنا بقالى تقريباً 3 سنين و 9 شهور معايا العربية و عارفها كويس...ده غير 15 سنة سواقة ومرمطة مع عربيات غيرت فيها من الصالون للعفشة للموتور.......
بس الموضوع بقى جدال أنا شايف أنه ملهوش لازمة.........هانى مقتنع برأيه.....و أنا مقتنع برأيي.....حاولت أساعد هانى فى موضوعه بس من الواضح أنه مشغول ومش عارف أشوفه...............حاولت أساعد خالد صاحبك.....بس هو مش عاوز.
أنا مش مساهم فى رينو ولا شغال فى EIM ومش هستفاد من الموضوع ده بحاجة + أن ولا كلامى ولا كلام خالد وهانى هيغيروا حاجة من واقع السوق.......اللى عاجباه العربية ومقتنع بيها هيشتريها واللى خايف ............ يروح ptmnlo123per145
أنا عن نفسى أعرف واحد لسه شارى العربية دى من كام يوم....مو 2009
المهم كل اللى هقولك عليه دلوقتى على موضوع ال 1000 كم من غير أعطال ده هو " الله يجازيك ضحكتنى"
أنا قولتها ولسه بقولها.....أنا لو معايا عربية مطلعة عينى كان زمانى بعتها من زمان وكنت أولو واحد هيبين للناس عيوب العربية دى.
ومعظم الناس اللى معاها العربية لو العربية مبتكملش 1000 كم من غير أعطال كانو ولعو فيها....حتى لو كانت هى العربية الوحيدة معاهم............عارف ليه ؟؟؟
لأن مصاريف أصلاحها كانت هتبقى أعلى من أنهم يجيبوا عربية تانية بالقسط ( ده على أعتبار أنها بتعطل كل أقل من 1000 كم زى ما بتقول )
شوف بس كام عربية ميجان فى الشوارع وهتلاقى أنها أستحالة تكون فيها كل العيوب اللى بتقولو عليها دى.
ومش عشان 2 بيحصل معاهم مشاكل يبقى كل العربيات فيها مشاكل.........شوف كام عربية أتباعت فى مصر وفى منهم كام واحدة فيهم عيوب........لأن زى ما أنت شفت أنا مش بشتكى و مومو مش بيشتكى وجار أيمن عبد الرازق مش بيشتكى...........ده غير الناس اللى أنا أعرفهم وقلتلكم على عددهم قبل كده (حوالى 20 ) وبرضه مش بيشتكو من العربية.........يعنى بنتكلم فى مجموع حوالى 25 أو 30 واحد منهم 2 بيشتكوا من العربية.......يبقى أقتنع بمين أكتر ؟
على فكرة........أعرف واحد معاه باسات غير فيها كويل قبل كده.......و أعرف أكتر من واحد معاهم ميجان مغيروش الكويلات قبل كده خالص ptmnlo123per140
يا ريت تبقى تسلملى على خالد صاحبك لو مش ناوى يدخل تانى عشان هو أنسان محترم جداً فى ردوده ونقاشه............أدى الصحاب و لا بلاش ptmnlo123per15
و أبقى حاول تخليه يدخل على طول و بالمرة يبقى يقولنا على عربيته الجديدة اللى ناوى يجيبها.
سلام يا مان.
|