[حازم شاهين]

المشاركة الأصلية كتبت بواسطة aboelesaad طبعا مشكور علي المجهود بس انا ليا ملحوظات قد تكون مهمه من وجه نظري المتواضعه اولا العربيتين مش في اتجاه خد مستقيم الام 11 فيها ميل مش بخط مستقيم ونتيجه الخبطه طبيعي يحصل كده في كبوتها لان الخبطه اتركزت في الاقصدام و مفصل الكبوت ثانيا لو تاخد بالك الي اتهشم الاقصدام و الكبوس بس بس محصلش حاجه للهيكل نفسه بمعني الدعامات قويه و متنيه ومتماسكه اكتر من 516 بمراحل في حاجه استغربتها جدا ازاي الفانوس الي عكس اتجاه الخبطه في الام 11 يطير كده مش لاقيله تفسير بصراحه غير ان سرعه العربيتين حاسسهم بطيئه غير ان سرعه الام 11 اكبر من 516 فوق ده كلو 516 الي اتعملها التست فيها فتحت سقف يعني مش نفس نسخه الي موجوده بمصر تعبر عن البعض ملاحيظ بسيطه ملهاش لزمه بس من وجه نظري تفرق كتير ولك جزيل الشكر تقبل احترامي

طبعا إحنا ما نعرفش الظروف إللى إتعمل فيها اﻹختبار ده و كذلك نتائجه كل إللى نعرفه مستمدينه من الفيديو
لكن بخصوص زاوية اﻹصطدام فاﻹصطدام أمامى بزاوية ميل لكل سيارة بالنسبة للأخرى بمعنى إن مفيش سيارة كانت ماشية فى خط مستقيم و التانية ماشية فى إتجاه مائل و إلا كان اإصطدام بقى جانبى لسيارة و أمامى لسيارة أخرى
فبالتالى نقطة اﻹصطدام فى السيارتين متماثل و لكن مع إختلاف الجهة فقط بمعنى اﻹصطدام فى الناحية الشمال للـ M11 و فى نفس النقط فى 516 لكن فى الناحية اليمين

بخصوص أثر الصدمة على هيكل السيارتين فأنا شايف إن هيكل السيارتين تحمل الإصطدام بشكل جيد و إستطاع المحافظة على سلامة الركاب فى كلا السياراتين و هذا هو المطلوب

أخيرا بخصوص سرعة السيارات فممكن يكون سرعتهم أقل من سرعة اﻹختارات الرسمية المعروفة لسبب إن سرعة اﻹختبر بتبقى على أساس إصطدام السيارة بجسم ثابت يعنى سرعته صفر لكن فى حالة الفيديو المعروض هنا سرعة التصادم بتبقى عبارة عن مجموع سرعة السيارتين لحظة التصادم بمعنى لو كل سيارة كان سرعته 30 كم لحظة التصادم يبقى سرعة اﻹصطدام هتبقى 60 كيلو متر و هكذا

أثر الصدمة على الفانوس البعيد أعتقد سببه قدرة الهيكل على إمتصاص قوة الصدمة و تشتيتها


طبعا السيارتين ممكن يكونو فيهم تجهيزات لا تأتى لمصر على اﻹطلاق مثل الوسائد الهوائية للـ 516 مثلا لكن الهيكل و قضبان الحماية للركاب أعتقد واحدة فى كل السيارات

أخيرا شكرا لملاحظاتك المثيرة للتفكير و التحليل