[أحمد السويسى]

المشاركة الأصلية كتبت بواسطة corsair الف مبروك يا ابو حميد وكلنا هنحصلك ان شاء الله في ارتفاع البنزين القادم بس قولنا كلفك قد ايه وعملوا معاك ايه بالظبط والعربية معاك فرقت عن البنزين ولا الفرق مش واضح وتقبل تحياتي

الله يبارك فيك ومستنى الكل يحصلنى لأن البنزين هيخليها خل خالص

فيه 5 أنظمة هقولهم بالتفصيل للفايدة العامة

1- النظام الكاش وتمنه 6500 جنيه

2- بدون فايدة على سنة ( بتدفع 3500 كاش وتقسط 3000 على سنة) 250 كل شهر

3- بدون مقدم على 4 سنين حوالى 180 جنيه

4- بدون مقدم على 3 سنين 225 جنيه ( وده اللى أشتركت فيه )

5- بدون مقدم على سنتين حوالى 300 جنيه

وعلى فكرة يا جماعة المهندس اللى ظبطلى العربية قاللى عربيتك عاملة 2200 كيلو

متمشيش غاز إلا لما توصل على 3000 كيلو وده أقل حاجة

ويكون بمعدل أول يوم لأستخدام الغاز 5 كيلو وتانى يوم 10 والتالت 15 وهكذا

يعنى أخلط شوية بنزين وشوية غاز عشان الموتور جديد ومتكساش بالكربون

وأى أستفسار موجود معاكم بإذن الله