[sayedkamal]

السلام عليكم جميعا و على احلى منتدى

معلش انا عارف ان الموضوع مكرر شوية بس فعلا انا محتار

الموضوع بصراحة انى معايا نيسان صنى 2001 وقررت أن شاء الله انى اشترى سيارة جديد و كان الاختيار على نوعين ( كيا سيراتو و هيونداى النترا ) وبصراحة قراءت عنهم كتير وشوفت مقارنات كتير

أولا السيراتو عجبانى جدا بالامكانيات اللى فيها وشكلها كويس جدا بس العيب اللى مدايقنى هوه موضوع العفشة الناشفة لانى بعانى منه فى السيارة اللى معايا وانا على الطريق بحس بكل مطب او حفرة

النترا سيارة محترمة جدا وعجبانى برده وسمعت من الناس كلها ان عفشتها ناعمة مش زى السيراتو بس عيبها الوحيد ان مش فيها كماليات السيراتو وطبعا شكل قديم شوية بس برده كويس ومش وحش

سؤالى بقى هل العفشة الناشفة فى السيراتو تدايق فعلا اللى راكب ولا انا متخيل حاجة تانيه ( يعنى مش هندم لو جبتها ) وهل ممكن الواحد يستغنى عن الكماليات اللى موجوده فى السيراتو علشان العفشة الناعمة اللى فى النترا

انا اسف جدا انى طولت عليكم بس حبيت اعرض عليكم حيرتى فى الموضوع ده ويارب استفيد من خبراتكم و معلوماتكم فى الموضع ده ( واسف مره تانيه على التطويل )