[hazem_khidr]

انا مش عارف بكتب ليه بس بجد انا زهقت من اللى بيحصل ده .... لأنى شايف انه ظلم و افتراء ..... و فى رأيي ان اللى ماشى معاكس طبعا غلطان بس ممكن ادفعه غرامه كبيره طالما داخل المدن و فى الشوارع الصغيره و العاديه اللى المعاكس فيها مش بيعرض حياه الناس للخطر و افرض السجن و الحجز على اللى ماشى فى الطرق السريعه سواء داخل او خارج المدن ...... لكن اللى بيحصل انهم بيسيبوا الناس تبرطع فى الطرق السريعه و تمشى غلط و تعرض حياه الناس للخطر و للموت

اوجزت فانجزت يا شريف باشا
هو دا المفروض يحصل
انما اللي بيحصل دلوقتي دا عباره عن كمين بمعني الكلمه علشان يوقعوا الناس في الغلط
المفروض يطلعوا علي الطرق السريعه و الميادين العامه
يحطوا لوحات ارشاديه تبين الشوارع المسموح و اللي مش مسموح المرور فيها
انما شغل العصابات دا ما ينفعش.
هما يطبقوا القانون صح و يلتزموا باللافتات الارشاديه اللي تبين اتجاه الشارع
بعد كده يعملوا حبس و غرامه و كل اللي عاوزينه
انا مش معترض علي الحبس
لان كل الناس معاها و بتعرف تتصرف في الفلوس
انما كون ان الواحد يتحبس حيفكر ميت مره
لما يشوف يافطه ممنوع و برضه يمشي مخالف