[sh_masry]

-انا بصراحه شايف انه لازم وقفه مع القوانين الغريبه دى ..... طبعا انا ضد المشى معاكس بس كمان ضد ان ممكن اى بنى ادم شغال فى اداره المرور انه يتجنى عليك و يقول ده معاكس خلافا للحقيقه و يتبلى عليك و يلبسك حجز لمده اربع ايام .

-افهم من كده انه لو فيه ظابط او وكيل نيابه ماشى عكس هايتحجز فى الحجز برده اربع ايام ؟؟

- طب لو بوكس شرطه و ماشى عكس .... هايحصل ايه ؟؟؟

- عمرى ماشفت بوكس شرطه او اى عربيه شرطه اى ان كان نوعها فيها حد لابس حزام الأمان !!!

- بجد لازم وقفه مع القوانين العنتريه المهينه لكرامه اى بنى ادم و اى مواطن محترم .

انا مش عارف بكتب ليه بس بجد انا زهقت من اللى بيحصل ده .... لأنى شايف انه ظلم و افتراء ..... و فى رأيي ان اللى ماشى معاكس طبعا غلطان بس ممكن ادفعه غرامه كبيره طالما داخل المدن و فى الشوارع الصغيره و العاديه اللى المعاكس فيها مش بيعرض حياه الناس للخطر و افرض السجن و الحجز على اللى ماشى فى الطرق السريعه سواء داخل او خارج المدن ...... لكن اللى بيحصل انهم بيسيبوا الناس تبرطع فى الطرق السريعه و تمشى غلط و تعرض حياه الناس للخطر و للموت .
مش عارف نعمل ايه علشان نفهم للناس اللى بتحط اى قوانين كده ان الناس هايجى وقت عليها و تنفجر .....
ادونا حقوقنا الأول و بعدين خدوا حق البلد علينا و حق النظام فيها .