السلام عليكم ورحمة الله
موضوع جديد اعرضه لكم
ارقام و نمر السيارات الجديده للعربيات
دي فيها بعض الملحوظات انا شايفها من وجهة نظري المتواضعه
وأرحب بأي عضو يحب شرح وجهة نظره في الموضوع ده
1- السرد و التفاصيل لبعض المحافظات
القاهره __ 3 حروف + 3 أرقام
الجيزه __ حرفين + 4 أرقام
اسكندريه _ أول حرف (س) +4 أرقام
البحيره ---- أول حرف (ب) +4 أرقام
مطروح --- أول حرف (ج) +4 أرقام
المنوفيه --- اول حرف (م) +4 أرقام
الدقهليه ---- اول حرف (د) +4 أرقام
السويس --- ط س + حرف مختلف +4 أرقام
بورسعيد -- ط ع + حرف مختلف +4 أرقام
القليوبيه --
اول حرف (ق) +4 أرقام
2- الحروف
الملاحظ ان مافيش حرف مكرر يعني مثال ذلك
ماينفعش تبقى (س رس) أو (ج ج و) مثلا
وكمان ملاحظ ان ما فيش حروف ذات 3 نقط مثل ( ث ، ش )
وكمان حروف ( ت ، خ ، ذ ، ز ، ض ، ظ ، غ ، ك )
3-الارقام
الملاحظ ايضا ان مافيش أرقام مكرر مثال ذلك
مافيش (131) أو (4492) أو (7397) مثلا
وأيضا ملاحظ انه لا توجد في الارقام رقم (صفر)
مثل (170) أو (3305) أو (1026) مثلا
دي كانت بعض الملاحظات اللي استنتجتها وأتمنى انها قد تكون فيها افاده
ولو حد يعرف الغربيه والشرقيه والفيوم أو أي محافظه بتاخد حروف ايه ياريت يفيدنا
الا الواحد بيبقى ماشي عالكورنيش وبيلاقي ارقام وحروف ما تعرفش بيجوا منين
شكرا جزيلا