رد: أنا مش خرونج
طيب بما انى درست محاسبه ودراسات عليا فى التكاليف ، تعالوا كده :
1- من ساعة ما اشتغلت وانا بيتخصم منى ضرائب من المنبع --- والمفروض ان ايرادات الضرائب هو ما تستغله الحكومة لدعم الخدمات والبنيه الاساسية فى الدولة - يعنى بادفع نصيبى من قيمة الخدمات اذا افترضنا ان فى خدمات اصلا .
2- بتعالج انا واسرتى على حسابى ولا استفيد مطلقا من التأمين الصحى
3- تكلفه كل الخدمات (الاتاوات) بادفعها بمزاجى او غصب عنى بما فيها التليفونات والكهربا والميه والصرف الصحى والغازالطبيعى والزبال ورغم كده مفيش منهم ولا خدمة شغاله باستمرار
الزبال ساعات مايجيش - والكهربا بتقطع - والتليفونات بتقع - والصرف بيطفح
4- اشتريت عربيه بالقسط وطبعا سعرها الاساسى يشترى عربيه احسن منها بمراحل فى اى دولة مافيهاش جمارك ولا تجار وتوكيلات حرامية
5- لو حبيت اشترى ارض او شقه تمليك هيتخرب بيتى بسبب التمويل العقارى
6- صحيح انا اتعلمت فى مدارس وجامعات حكومية - لكن كل اللى ابويا صرفه عليا فى 16 سنه تعليم - بادفعه مصاريف سنه واحده لابنى فى مدرسه خاصة لغات .
7- كل او معظم ما نستخدمة فى حياتنا من الات وادوات ولعب اطفال كله وارد الصين الشقيق
يعنى منتجات مدفوع عليها جمارك وضريبه مبيعات وكله على حسابنا
يبقى ياولاد الحلال حد فاهم يفهمنى ال10 مليون ج دول اتصرفوا عليا فين وامتى وازاى ؟؟؟؟؟؟؟؟؟
يعنى انا مكلف الدولة 10 مليون ج لغاية ماموت !!!!!
طب افرض مت بكرة ولادى هياخدوا الباقى .
__________________
Mohamed Bendary
اللهم فرغنى لما خلقتنى له ولا تشغلنى بما خلقته لى
اللهم ولا تحرمنى وانا أسألك ولا تعذبنى وانا استغفرك
مصر هاتفضل غاليه عليا
|