[Abu_mazen]

أولا تحياتى لكل أعضاء مصر موتورز وكل سنة وانتم طيبين جميعاً وفى صحة وسعادة دائماً يارب ، ثانيا عايز أقولكم على حاجة غريبة جداً حصلت مع واحد صاحبى أمس عند ترخيص سيارته الجديدة السيراتو ربنا يباركله فيها وفيكم وهى ايه ؟ راح يرخص العربية الجديدة فى المرور المهندس رفض الترخيص ليه؟ اليكم المفاجأة جواب الافراج الجمركى للسيارة مثبوت فيه أن زجاج السيارة فاميه بس الحقيقة ان عربيته السيراتو مفيهاش فاميه خالص فطبعاً المهندس مرضيش يرخص قولتله يا عم روح ركب الفاميه دى فرصه من ذهب ومتحصلشي خالص بس هو مش راضى ابداً وعايز يرجع للمعرض اللى شاري منه العربية ويشوف حلها ايه تخيلوا يا جماعة ان الفرصة دى لو جات للواحد مننا يا سلام !
الموضوع حقيقي بجد وان شاء الله سوف اتابعكم بالجديد فى هذا الموضوع0