رد: بتحب انهى مدرسة فى صناعة السيارات
صعب نقارن الولايات المتحده بأي دوله في العالم في مجال المعدات الحربيه ... خصوصا الطيارات
لوكهيد دي لوحدها كارثه
و البلد الوحيده اللي كنت اسمع عن مقارنات بينها و بين امريكا هي روسيا ... بالميج و السوخوي امام الاف 15
وبعدين الاف 16 دي قديمه اوي ... وجه بعدها الاف 18 و الاف 22
وبعد الانقسام السوفيتي فين و فين لما نسمع عن حاجه روسي
و اي حد بعد كده عليه السلام حتى التورنيدو الانجليزي تقيله جدا
و طيارتهم اللي عندها القدره على الصعود العمودي ( الهاريير على ما اتذكر ) غير مجديه فعليا و تقريبا بتتكهن
والميراج سمعت ان في طياره بعدها لكن تطويرها مش بالدرجه
لكن احنا بنبعد اوي كده ...
امريكا اكيد متقدمه في مجالات كتير ... وصناعات ثقيله و علوم فضاء .... لكن ممكن نصغر الدايره شويه
هل معنى تقدم و سيطره امريكا ان بقيه العالم عرائس متحركه ... خصوصا اليابان ...
انا حاسس من كلامك يا مهندس فادي ان اليابان دي لعبه في ايد امريكا ... او بمعنى اصح .... طيشه
طيب ممكن نرجع لورا شويه وتجاوبني على السؤالين دول :-
1- ايام ازمه البترول في السبعينات ... كانت العربيه الامريكاني ( السياره الحلم ) رمز و مسيطره لحد ما حصلت ازمه البترول و ظهرت العربيه الياباني خفيفه الوزن بخامات خفيفه و صاج رفيع واستخدام الفيبر و صغيره الحجم موفره الاستهلاك ... وانتشرت في العالم كله و غيرت المفاهيم في عالم السيارات
هل ده بتوجيه ودعم امريكي .... ام فكر ياباني ؟؟
2- الترانزستور اللي اليابان اكتسحت بيه الاسواق ... و ابتدى العالم يعرف من خلاله المارد الياباني و رسم الصوره الحاليه عن الفكر و الهندسه و التطور و الابتكار الياباني ...
هل الترانزستور كان ابتكار امريكي و ادوه لليابان كدعم استراتيجي و سياسه تنافس ؟؟
او لأن اليابان حتصنعه ارخص مثلا !!
3-ممكن يكون فيه دعم سياسي او استراتيجي من الامريكان لليابانيين
لكن معتقدش حيكون دعم تكنولوجي !!
طيب ليه الامريكان اتأخرو بعربياتهم الهجينه عن اليابانيين اذا كانو متقدمين عنهم في هذا المجال ؟؟
معلش طلعوا 3 اسئله .... ptmnlo123per1127
__________________
من تواضع لله رفعه The ultimate car would be designed by Italians engineered by Germans built by Japanese &
|