رد: هيونداى أكسنت 2004 أم دايو لانوس 1999
السلام عليكم
ارشحلك الاكسنت عن تجربه
انا معايا اكسنت 2005 1300 سى سى
اشتريتها عامله 70 الف كم
بصراحه العربيه روعه فى كل حاجه
نعومه و قطع غيار رخيصه و اصليه
اعطالها قليله جدا الحمد لله
ثباتها على الطريق جيد جدا ( انا باسافر بيها من اسكندريه لمطروح كل اسبوع بامشى على 140 - 150 كم / ساعه ) و العربيه ما شاء الله ثابته
و ممكن تجيب سرعه لحد 170
بس مانصحش بتجاوز ال 140 علشان ظروف الطريق
تكيفها معقول جدا ولا يؤثر على السحب فى الطوالى
استهلاكها للبنزين فوق الممتاز 0 مش هتلاقى عربيه موفره زيها )
عيبها الوحيد هو ان صاجها ضعيف شويه ( بس احنا مش هنحارب بيها ولا ايه ؟ )
باختصار انا شايف الاكسنت 1300 صفقه رابحه جدا
المهم تختارى حاله ممتازه جدا جدا
و بالتوفيق ان شاء الله
|