اولا انا عضو جديد بالمنتدي اللي عاجبني قوي قوي وتحياتي للجميع
ثانياااااااا : انا بلا فخر من ملاك السيارة الفاخرة (قل اعوذ برب الفلق) فيات 127 سوبر فيورا اللي مدوخة العربيات كلها علي الطريق من طولها وعرضها وسرعتها الجنونية ..... اقول ايه فيها ولا ايه
الشكل الانسيابي الجزاب ولا الطول حتي مش بعرف اركنها فين من طولها
بجد ومش هزار هيه عربية مقنعة بالنسبة للبداية في تعليم السواقة
عيوب الامورة بقي : الموتور 1000 سي سي صغير جدا واخر سرعة جبتها بيها 100 وحسيت ان العربية بتغني " انا طير في السمااااااا " تقريبا مفيش ثبات خاااااااالص , بتسخن بسرعة وطبعا في الصيف مولعة نااااار لدرجة اني بحس انها عايزة حمام سباحة بعد كل مشوار ......... هممممممم كمان الصالون بتاعها ضيق جدا بحس ان اللي قاعد جنبي شوية وهيقعد علي رجلي
علي العموم شكرا علي اول مشاركة وياريت مكنش جبت لحد احباط ولا ضغط دم
سلامي للجميع