|
من فضلكم المساعدة ضرورى ما هى أكثر عربية تتراوح ثمنها 65-70 يسهل بيعها بسهولة بعد 6 شهور بدون خسارة كبيرة؟!
فى البداية أحب أبدى اعجابى الشديد بمنتدى مصر موتورز الجميل بأعضائة الفعالين الذين يعطونة جو جميل من التعاون يصعب ان تجدة فى اى منتدى أخرحقيقى ربنا يبارلكم يا رب ويجعلهم فى ميزان حسناتكم و شكرا ليكم جزيلا
أنا سؤالى بسيط جدا و أود ان أستفيد من خبراتكم فى مجال السيارات حيث انى بصراحة معنديش أى فكرة عن سوق السيارت خالص لكن فى مجال الأدوية و الصيدلة أنا معاكم ان شاء الله
الفكرة كلها انا عايز اعرف منكم اية أنسب عربية ممكن أشتريها بمبلغ يتراوح من 65-70 الف و لما اجى بيعها نتيجة لظروف خاصة بعد 6 شهور مخسرش فيها مبلغ كبير و تباع معايا بسرعة ؟
علما بأنى هشتريها كاش من المعرض لكن بوحود قرض شخصى بمبلغ 65 الف من البنك الأهلى سوسيتية جنرال فلما هاجى أبيعها لأما هبيعها لحد يكمل أقساطها و اللى تبلغ 1510 شهريالمدة 5 سنين أو انى هكيشها من البنك و أبيعها بعد 6 اشهر تقريبا بالأضافة الى ان لو العربية زادت عن 65 أنا هدفع الباقى كاش للمعرض
أنا عارف ان موقفى غريب شوية و معقد بس أنا حبيت أستفيد من خبراتكم لأنى بجد معرفش حاجة فى سوق السيارات و محتار جدا
أنا كان عاجينى بريليانس frv جدااااااااا و نفسى أجيبها بس معرفش لو بعتها بعدها ب6 شهور هخسر كتير و لا اية ؟ انتو اية رأيكم أجيب بريليانس frv و لا انتوا ترشحوا عربية أخرى يسهل بيعها بدون خسارة كبيرة أخدين بالأعتبار الظروف اللى حكتلكم عنها
أنا أسف جدا على انى طولت عليكم و أخدت دقائق من وقتكم الثمين و أتمنى منكم المساعدة ضرورى أنى لازم اقرر فى خلال أيام و لكم جزيل الشكر يا أخوانى
|