[ringoo]

المشاركة الأصلية كتبت بواسطة akerima السلام عليكم يا اهل الوجان الجامدين لي الفخر ان انضم اليكم مؤخرا يعني من 10 ايام كدة انا والحمد لله متهيالي معنديش عيوب كتيرة من الي اتقالت هنا بس عندي الحاجات الشايعة زي مثلا السخونة الي عند دواسة البنزين وما شابة بس انا عندي مشكلة تانية في التكيف لما بمشي علي الاولاني والتاني بحس ان العربية بتكن شوية وترجع طبعية تاني وفي السلانسية تلاقي الار بي ام طالع نازل كدة انا اتصلت بمهندس في التوكيل قالي دي محتاجة ظبت انا انجيتو للحق معملتش اكتر من 800 كيلو لحد دلوقت فا انا مش قلقان من الكلام ده وبقول اديني لسة بلين بس غير كدة العربية ماشاء الله ممتازة جدا وانا مع الراي الي بيقول حتبقي انشاء الله 405 2010

الف مبروك وربنا يباركلك فيها ويكفيك شرها ويعطيك خيرها
لسة العربية حتحسن معاك اكتر واكتر وبالذات بعد 3000 كيلو حتشعر بفرق فى كل حاجة
بالنسبة للتكيف قلل درجة البرودة درجة واحد (درجة البرودة مش درجة المروحة ) علشان عندك حتلاقيها على اعلى درجة ودة بيعمل حمل على الكمبرسور على الاقل حتى 3000 كيلو وكدة كدة اعلى درجة برودة الواحد مش بيقدر يتحملها وبتلاقى ايدك اتجمدت
وان شاء الله الموضوع حيختفى مؤقتا لحد ما تروح الصيانة

المشاركة الأصلية كتبت بواسطة m__hassan الاخ رنجو اشكرك على سعة صدرك في الرد المقنع لكافة الاسئلة اود ان اسئلك هل اللوجان ستحافظ على سعر اعادة بيعها وارجو ان تخبرني باحسن البنوك الذي يتعامل بنظام الاقساط بسعر فائدة اقل ولا يكون فيه ذبح وما هي فروع بيعها بالصعيد

يا باشا العفو على ايه بس
سعر اعادة اللوجان لسة ما ظهرش اوى ودة بسبب واحد ان فى عربيات لوجان رومانى ودة حصل لاصحابها خسارة فى اعادة البيع بسبب نزول اللوجان المغربى ودة لان المشترى بيحسب على سعر العربية جديدة ( مغربى ) من غير جمارج واصحاب اللوجان الرومانى اشتروها غالية وبالتالى جابت اسعار مش حلوة
......................... ...........
كل الكلام اللى فوق دة صب فى مصلحة اللوجان المغربى لانها بدأت تمسك سعر اللوجان الرومانى فى المستعمل وبالتالى الخسارة غير فادحة للمغربى ... وفى عربية مغربى فول اوبشن اتباعت ب 63 الف ودة سعر ممتاز
.....................
زى ما قولتلك لسة سعر اللوجان مالهاش سعر اعادة بيع معروف عمليا .... لكن الشعب المصرى مش عبيط بالذات فى فلوس هو بيدفعها .. فا اغلبنا محتاج ايه من عربية مستعملة
1- عفشة .. عفشة اللوجان ممتازة
2- ماتور .. ماتور زى الفل ومعمر وسهل الصيانة .. والماتور قطع غياره موجودة قبل ما المغربى ينزل
3- قطع الغيار فى التوكيل باسعار معقولة جدا والصيانة رخيصة بالنسبة لصيانة توكيل وراحة بال مع توكيل محترم
4- واسعة واوبشن محترم ومش بتحك فى المطبات مع تكييف جميل
يبقى نظريا مافيش سبب علشان يكون سعر اعادة بيعها قليل او فيه خسائر فادحة
......................... ............
بالنسبة للشراء فى ماعنديش معلومات عن اماكن البيع فى الصعيد لكن ممكن تتصل على 16202 ودة رقم التوكيل
وللاسف بردو ماعنديش معلومات كافية عن انظمة التقسيط ... بس حاول تجيب معلومات عن بنك ناصر .. اسمع ان ناس كتير اتعاملت معاه
وربنا يوفقك لما فيه الخير