[Injection]

الفيرنا عربية شكلها حلو, وموترها قوى, وقطع غيارها رخيصة ومنتشرة, وفيه ميكانيكية كتير حضروا دكتوراة فيها, وتنفع عربية شبابية.
اللانوس منافس قوى للفيرنا, ونفس مواصفات الفيرنا, وقطع غيارها بتتباع فى أكشاك السجاير, وفيه ميكانيكية كتير حضروا فيها ماجيستير, ده غير أنها عفية وبتستحمل(عن تجربة).
النوبيرا عربية فخمة جدا, وموتورها قوى وقطع غيارها رخيصة ومن وجهة نظرى شكلها جميل, مشاكل العفشة بتظهر فى أى عربية, مش شرط فى النوبيرا, والعفشة لازم هتبوظ عاجلا أو أجلا وحلها تركيب مساعدين وسوست مونرو.
الكريستالة أنا بيعجبنى شكلها جدا, ده غير أنها يابانى, قطع غيارها بتعيش لكنها أغلى من قطع غيار العربيات السابقة, موتور ضعيف لكن أقتصادى فى أستهلاك البنزين وعند مقارنتها بعربية من العربيات السابقة تخرج من المنافسة تماما سواء فى السعر أو القوة أو سنة الأنتاج.
شوف أنت بتميل لأنهى عربية, واللى تعجبك وتشدك توكل على الله ومالكش دعوة بالناس, هو أنت اللى هتشترى ولا الناس