بص يا باشا ....
- لو انتا بتدور على برستيج و في نفس الوقت أمان و كفاءة ..... يبقى الدايهاتسو التريوس ..... ياباني 100% ... و منتشرة ( اي نعم مش بصورة مكثفة ... بس منتشرة ) .... عربية واسعة واسعة واسعة ....... شنطتها كبيرة ... عالية عن الأرض بكتيير يعني .... مكونات ياباني و تقفيل ياباني ...... و انا عندي ناس كتير جابوها ( و منهم انا ) ... بس الحمد لله لحد دلوقتي ما اشتكوش منها ...
قطع الغيار موجودة و التوكيل موجود و محترم و الضمان 3 سنين .... و لو بتتكلم في قطع غيار غالية ( فالموجود غالي في كل العربيات - إن لم يكن الكوري اسعاره معقولة نسبياً - ) .....
العربية من جوا ممتازة ( مع اعتراضي على شكل التابلوه لانه بسيط جداً ) .... الا انها عربية تستحق ..... سعرها في عندك من 116 الف لحد 160 الف ..... ( من 116 الف لحد 126 الف دي العربيات 5 راكب ) ... ( من 136 لحد 160 الف دي العربيات 7 راكب ) ....
العربية عائلية .... و مش بتاعت غرز و هري ...... عاوزة سواقة هادية و الحفاظ عليها كويس جداً .....
- لو انتا بتدور على كماليات كتير و شكل محترم ..... يبقى الكيا السول و الكيا الكارنز ...... السول سعرها في رنج التريوس ( باستبعاد 116 الف ) ..... تابلوهها مشابه لتابلوه السيراتو ( الآخر فئة ) ..... عربية شيك و ممتازة .... كوري 100% ..... مش منتشرة في مصر كتير ..... قطع الغيار الله اعلم بيها ....و التوكيل محترم ... ضمان 5 سنين ....
الكيا الكارنز برده عربية ممتازة ..... كبيرة و واسعة و شكلها جميل بالنسبة لعربية عائلية ...... تابلوه محترم , قعدة محترمة .... صالون محترم ..... كوري 100% ..... منتشرة في مصر مش بصورة مكثفة بس منتشرة ( خصوصاً في اسكندرية ) .... قطع الغيار الله اعلم بيها برده ... التوكيل محترم و الضمان 5 سنين .... السعر اعتقد في رنج 115 الف كبداية .....
- لو انتا بتدور على شكل محترم و كماليات معقولة ...... معندكش غير الماتريكس .... عربية عالية عن الأرض , شيك ( مع اعتراضي على شكل ضهرها يعني ) ..... صالون واسع جداً ..... شنطة واسعة .... تابلوه محترم ...... و السعر 95 ألف جنيه في التوكيل .... برا التوكيل على ما اعتقد 93 الف او 94 الف ...... العربية مكونات كوري تقفيل تركي .... و اظن دي انسب عربية لحضرتك ( لو بتتكلم في رنج 100 الف ) ....
على العموم شوف الاحسن ...... و ربنا يبارك لك في العربية الجديدة ....
