[alymonir]

و أخيرا تم رفع الملف
على فكرة أنا عملت الجدول تاني لأنه كان معمول عاى جهاز تاني و هو مش موجود عندي حاليا في المكتب
المهم دة رابط الملف
الشرح :
حتلاقي جدول رقم 1
الصف الأول يوجد عامل التقييم و هو زي ما قلت قبل كدة من موضوع الاستفتاء السابق بالترتيب المعلن لعوامل التقييم ( بلد الصنع , الأمان , ......الخ )
الصف الثاني: يوجد الوزن ( wieght) و هو عبارة عن أهمية العامل كنسبة مئوية
يعني مثلا بلد الصنع: المركز الأول , أنا اديته 30% ( ممكن يختلف من واحد للتاني )
و بعد كدة معامل الأمان المركز التاني , أنا اديته 20% ( ممكن برده يتغير )
و هكذا ....
الصف التالت: درجة تقييم السيارة لهذا العامل ( من 100)
الصف الرابع: و دي الدرجة اللي حاتديها للعربية ( من 100 ) حسب خبرتك و تقييمك للعربية و اللي قريته عنها في المنتدي أو من مواقع تانية عالمية أو مصرية
يعني مثلا في الجدول رقم 2 أنا اديت للعربية التويوتا كورولا 80% في معامل الأمان ( مجرد مثال للتوضيح غير مبني على خبرات )
الرقم اللي حايتحط قدام السيارة هو حاصل ضرب درجة السيارة ( من 100 ) في وزن عامل التقييم
يعني مثلا
الكورولا في معامل الأمان 80/100 * 30/100 ( وزن العامل ) = 24/30
بعد كدة تكرر نفس الكلام لباقي العوامل و لأي عدد من العربيات
و على حسب المجموع النهائي لكل عربية يكون التقييم
أتمنى أن تكو طريقة الشرح سهلة ( مع إني حاسس إني مش فاهم حاجة )
و لكن لو حد عنده استفسار ياريت يبلغني
على فكرة زي ما قلت قبل كدة أوزان عوامل التقييم و الدرجة المعطاة للسيارة مبني على الخبرة و قد يختلف من شخص لاّخر
أتمنى أن تكون المشاركة مفيدة و منتظر الردود