المشاركة الأصلية كتبت بواسطة mohmedmhros
انا محتار اشترى جديد لانوس ولا فيرنا ولا لوجان السعر قريب جدا ولكن اريد مقارنة موضوعية وفنية لانى هادفع تحويشة العمر
جزاكم الله كل الخير
|
انشاء الله مفيش حيره
انا هلخصلك الموضوع
الانوس سياره قطه غيارها رخيصه موتورها مش بطال واسعه نسبيا بالنسبه للفئه بتاعتها
1500 سي سي 86 حصان 130 نيوتن متر العزم و هي كامه واحده 8 صبابات
العفشه الاماميه ليست للخدمه الشاقه على الاطلاق
الفيرنا أقواهم اداء أصغرهم حجم قطع غيارها أغلى شويه من الانوس ولكن مازالت رخيصه و متوفره عند كل البشر
1600 سي سي 106 حصان و 145 نيوتن .متر العزم و هي كامتان و 16 صباب
العيوب سياره نوعا ما صغيره و قريبه من الارض لكن عكس ما يشاع عنها السياره صدقني بتستحمل كعفشه و محرك
اللوجان
اوسعهم و عاليه عن الارض قطع غيارها في التوكيل معقوله و لكن سعر ما بعد البيع أقل بكثير من قريناتها الاوبشنز اقل في نفس الفئه السعريه
هى 1600 سي سي 90 حصان كامه و احده 8 صبابات و هو محرك ليس بضعيف
السياره أسعرها كويسه و واسعه جدا و كمان عاليه لو ماكانش يهمك سعر ما بعد البيع
اتوكل على الله في اللوجان