[AbOnOrA]

لاشك ان موقف الراجل قوى وحازم جدا ويستحق منا كل التقدير والاحترام سواء لاننا عرب او لاننا مفتقدين مواقف الرجال فى حكامنا حالياً

انا مش حابب ادخل فى جدال عقائدى او منهجى فى المنتدى بس عايز اوضح فعلا للناس اللى متعرفش الشيعة من احتكاك مباشر مع ايرانين عرفت ان مش كل الشيعة صفويين وعامة مش كل الشيعة ملة واحدة

زى ما مش كل اليهود صهاينة فياريت نضج فكرياً ونبقى ادق فى مواقفنا تجاه الاخر وخاصة فى موضوع العقائد والملل ولا يعيب المسلم انه يؤيد من يختلف معاه فى الفكر او المعتقد ولنا فى رسولنا الكريم (صلوات الله وسلامة عليه) اسوه فقد عاهد وهادن المشركين فضلا عن اليهود ناصر معنوياً واكد القران على ذلك الروم فى حروبهم
وده لا يعنى تجاهل الخصومة او انهم يبقوا حلفاء بمعنى الكلمة اطلاقا

انا شخصيا رغم رفضى التام للاخوان مثلا واعتناقى عقائدياً للمذهب السلفى اتمنى لايران النجاح فى الصمود امام الغطرسة الامريكية واتمنى لشعبهم ان ينجح فى الاعتماد على نفسة فى تامين مستقبل الطاقة لنفسة بتكنولوجيا نووية سلمية

ومتمناش لحد حتى ولو كان مسلم انه يتملك تكنولوجيا نووية حربية حتى ولو كانت للردع لان رسولنا الكريم علمنا فى الحروب ان الرفق ما كان فى شىء الا زانة (زادة فضلا وقيمة) حتى فى القتل وحرم علينا استخدام النار مشيراً الا انه لايعذب بالنار الا خالقها فاحسب ان رسولنا صلى الله عليه وسلم لو كان بيننا الان ما سعى لامتلاك الاسلحة المهلكة للبشر ديه ابداً

فالشاهد ان الموازنة مطلوبة والتمييز واجب