[فادى]

المشاركة الأصلية كتبت بواسطة Ahmed Anwer عموما الموضوع ده شجعني اني انقل موضوع فكاهي كاتبه م/ فادي في منتدي اخر ،، **** سيارات العالم في عيون المصريين **** الايطالى : ميزة و لا اتنين و الباقى اسباجيتى... مع شكر خاص من جموع الميكانيكية الى شركة فيات الايطالية! الألمانى : ادفع كل ما فى الجيب... و اكتشف بعد ذلك أنك تركب سيارة عادية جدا!مفيش حاجة زيادة يعنى. السويدى : ميزتها الأمان...فقط! الانجليزى: متبصش على أداءى...بص على الى مدفوع فيه! الفرنساوى: اذا كان مشوراك 200 كيلو فسوف تقطع ال100 كيلو الأولى فى راحة و هدوء... لوكانت سيتروين أو رينو فسوف تتعطل بك و تتركك على قارعة الطريق, و لو كانت بيجو فسوف تنقلب بك و تتركك على قارعة الطريق أيضا, ده لو عشت! الروسى: عبق الستينات! التكييف و الباور اختراع رأسمالى. الأمريكانى: اذا نجحت فى تحمل سخافتها و قيادتها غير الممتعة, فأنت مقبل على أزمة اقتصادية طاحنة! اليابانى: سيارة لعبة. الكورى: تقليد لسيارة لعبة. الصينى: سيارة لعبة مغشوشة! المصرى(و تمثلها شركة النصر للسيارات عملاق صناعة السيارات فى الشرق الأوسط و المأسوف على شبابها رمسيس) : لن تدفع الكثير... و لن تحصل على شىء فى المقابل اللهم الا على فرحة ركوب سيارة بعد 7 سنوات من انتظار الحجز!

ياااه الموضوع ده كان تقريبا من أوائل المواضيع اللى كتبتها,
شكرا ليك بجد انك مهتم بيه و لسه فاكره, و لو لاحظت انو معظمه بيعكس اللى انا كتبته فى أول الموضوع.