ثانيا الكاتالوج عندي يا شباب لو عايزنة نرفعهلكم عنينا ... وفديوهات كتير و صور وكل اللوازم
ياريت حضرتك ترفعه عالمنتدى للافادة العامة وعشان نشوف اخر التكنولوجى اللى كيا توصلت ليها
أولا السيارة دخلت اختبارات السلامة يا شباب وده موجود عندنا في معارض جمعه الماجد المسؤل عن كيا في الامارات .. الوكيل .. واثبتت جدارتها والله وتحيا مصر يعني
ياريت لينك نتايج اختبارات الامان عشان الكلام يبقى بالدليل
يا باشا اللينك موجود والفديوهات كمان
ثانيا ... تابلوه ايه يا رجالة اللي بتتكلموا فيه ... الكروز معاكم انها شكلها لذيذ تابلوة ... انما السيراتو انت قاعد في طيارة يا باشا .. ومعلش الناس اللي عندها التابلوه العادي .. اتفروجوا بقي علي تابلوه الجي بي اس والدي في دي ... واللي نازل من كيا برده يعني مش اضافه جديدة ...
محدش ينكر ان تابلوه الكروز اجمل بكتير من السيراتو
ده طبعا من وجهة نظرك انت .. وكل واحد ليه وجهة نظر
ثالثا ... التسارع والموتور
اقسملك بالله العظيم قبل اي شئ انا من ساعة ما ركبتها ومش بقالي كتير اوي هيه لسه جديدة معايا
بفضل الله فشخخخخخت وفرتكت ((( تويوتا كرولا 1.8 لتر يعني الف وثمانمائة سي سي ... و هوندا سيفك برده 1.8 ليتر نفس القصة ... دول الأشهر) وكان الفارق مش هين يا معلم ... ومرتين من الثبات مرة ومرة متأخر ثانيتين عن طلعتهم ... واحنا هنا اصلا بنحب نريس في الطرق
السيراتو ال1600 سى سى بتطلع من السيفيك ال1800 سى سى انا عن نفسى مش مقتنع الا بقى لو كان بتاع السيفيك مهدى فحضرتك افتكرت انك طلعت منه لما عديته!!!!!!!
يا استازي انا مش هدخل المنتدي واقولك اقسملك علشان اقول كلام انا مش بعملة ومش هستفاد حاجة من كده ... اللي عايز يشتري سيراتو اهلا وسهلا اللي عايز يشتري كروز اهلا وسهلا
اللي عايز يجيب 127 اهلا وسهلا برده ... لكن اللي بقولك عليه احنا طالعين من الثبات ... وعلي فكرة الناس دول اصحابي واحنا رايحين طريق معين علشان نشد قدام بعض ... يبقي ليه بقي يهدي سرعته ... مديلة فلوس !!!!!
اما عن الباقي هنا ... مازدا 3 .. سويفت ... كروز ... النترا ... يارس ... وغيرهم ... والله يا شباب بالنسبالي مواتير متسكلات مش اكتر ... وبتوع السيراتو هنا بيخلوهم بالعافيه يشوفوا دخانهم ...
ممكن اه تطلع من دول كده يبقى الموضوع مبلوع شوية
طب وازاى موتور موتوسيكلات مش للدرجة دى
وبعدين المازدا والكروز والتويوتا ديه مواتير معمرة مش زى هيونداى وكيا عربيات بعد 5 او 6 سنين بتهلك
و معلومة لحضرتك الالنترا 121 حصان السيراتو 124
يعنى لو بتسابق النترا الفرق هيبقى قليل جداجداجدا
ممكن تطلع منهم !!! ههههههههه يا راجل ..
انا عندي سؤال بس ... لو انت ماسوقتش السيراتو حاول تسوقها .. وياريت لو هاي لاين ... ومشعايزك تيجي تكتب النتيجة .. حكم انت ضميرك مع نفسك بجد
ويا باشا بالنسبة للمواتير المعمرة ... كل السيارات هنا بتعمر ... ومفيش حاجة بتترمي بعد 5 سنين ولا اللي انت بتقول عليه ... اللي خلي هيونداي اكسل لسه موجوده يا راجل ... تعالي بس الاول وشوف وبعدين اتكلم واحكم براحتك
انا بكلمك من واقع خبرتي ودرايتي باللي حواليا
وليا صديقتي معايا في نفس الشركة معاها بيجو 206 وعايز تهلفط في الكلام حذرتها الاول مرضيتش .. بعد كده شافت احلي شغل برده علي جسر القرهود عندنا
برده ارجه وا
اما عن شباب لبنان وسوريا ومصر
بيحبوا الموديلات القديمة من بي ام دبليوا 330 او 225 او 320 وغيرهم بس سنة 2002 او 2003 .. وبكفاءة علي فكرة سحب السيراتو سادد وعامل احلي شغل ....
البى ام 320 عن تجربة بتقطع السيراتو عالطريق وبتطلع منها بفرق جامد وقبل وبعد ال100
الموضوع ده انا جربته كنت معايا بى ام 320 موديل 2009 بتاعة واحد قريبى طلعت بيها من السيراتو والاحسن من السيراتو اللى هما الكورولا والسيفيك
اللى ممكن اصدقه انك تطلع من 316 i مثلا انما اعلى من كده استحالة
هههههههه يا راجل اقرأ الكلام اللي انا كاتبة الاول ... ما طبعا 2009 مش هيسد قدامها حاجة لا سيراتو ولا تقولي كروز ولا هوندا اكورد حتي ... انت بتتكلم في ايه يا معلم ... ده الماني
انا بكلمك في الموديلات القديمة ... هتقولي قوة الموتور والعزم والدوران قريبة او واحدة مع فرق الاوبشنز ... اقولك لأ ... ديه مواتير اتهلك بجد هنا علشان كده الاداء مبقاش زي الاول .. بس بالرغم من كده تفضل اسمها بي ام دبليو ... واللي عنده اعتراض يقول .... لكن اسمحلي الموديلات اللي انا قولتلك عليها تقطع ومش تقطع ... اقولك اللي كان سايق السيراتو لو اصلا حصل بينهم منافسة بجد في مصر وعلي طريق ممهد طويل ... يبقي السواق كان تعبان شوية
انا والله مش متحيز ... وكنت خلاص علي وشك اني جيب لانسر شارك جي تي ... وتمنها هنا 77 وفي اخر لحظة صليت استخارة وكنت شوفت السيراتو في مصر وانا في الاجازة ومكانتش عجباني ... بس قدراً عديت من قدام الوكيل ... ودخلت شوفتها وقعد فيها ... وعلي فكرة انا جبت ال 1.6 هاي لاين .. يعني كمان مش ال 2.0 لتر علشان لو عايز انزلها مصر ان شاء الله ... انا متخيل بقي اصحابي هنا بيعملوا ايه بالافين سي سي علي الطريق
كنت حضرتك تجيب لانسر ايفو عربية خرافة واعتقد مش غالية فالخليح بس عالعموم مبروك عليك السيراتو وربنا يباركلك فيها
انا مش بتكلم علي الايفوا خالص انا بتكلم علي الجي تي يا باشا ... الايفو نقرة تانية خالص
حاجة اخيرة عن موضوع الثبات ....
والله والله والله ... انا كنت هخيش من يومين لولا ستر ربنا وان الحمد لله السيراتو ثابتة جدا جدا علي الارض ... ويا باشا انا كنت ماشي 130 والتحذير بتاع ال 120 عمال ينور في التابلوه جيت اخد غرزة من يمين كرولا ... لاقيت صديق عزيز ماشي بيتمختر في الحارة اللي بعدها علي الشمال وهينقل في الحارة بتاعتي شكلة هندي ما اعرف ولا فلبيني ... والله والله والله كنت قريب جدا وكنت عديت نص الكرولا من علي الشمال يعني تقريبا شبة موجود في الحارة اللي هغرز فيها ... لميت ورجعت علي يمين الكرولا مع كبسة فرامل واحدة ومأثرتش علي سرعتي الا 10 كيلو يعني بقيت ما بين ال 120 وال 110 ... وبجد انا اول مرة قلبي يقع وانا بعمل غرزة لأني كنت اول مرة اختبرها في حاجة زي كده
السيراتو اخرها فالثبات 120 -140
يا سلام يا سلام ... دا انت معاك سيراتو واحنا مش واخدين بالنا بقي 
... ههه ومجربها في كل الحالات .... يا معلم تعالي علي طريق ابو ظبي دبي ونمشي 160 اللي هو سرعة الرادار مش هنزود ... وشوف هنعمل ايه ...
انا بسافر من دبي لأبو ظبي ومجرب وبستمتع بدة
لكن اسمحلي ممكن بقي موضوع المراجيح ده يخص الكروز هههههههه قدام انت حسيتة بقي
انما بعد كده مراجيح الملاهى بتشتغل
ادعوا لسيارتي بقي ... لأنها في الصيانة نتيجة لحادث قضاء وقدر ... بعد نجاتها من الاول لما خرشمت يارس من ضهرها والحمد لله سيارتي محصلش فيها غير خربوش والله
ان شاء الله تتصلح بسرعة وترجعلك 100 100
الله يخليك يا معلم
وعايز اقولكم مشيت بعدها 30 كيلوا او 45 كمان ما بين فروع الصيانة ومراكز الشرطة لحد ما اخد التقرير بتاع التأمين
مش علشان معايا سيراتو والله .. لأ لألأ ... انا عمري ما كنت بحب الكيا ... بس هنا عندنا الكرولا والسيفك زي اللبان
من حق حضرتك ومن حق اى حد انه يكون معجب بعربيته
هيه تستاهل ان الناس كلها تعحب بيها الصراحة
وشوفوا السيفك والاكورد ... في الهوندا ... هتلاقوها فيها من التلاتة دول جدا ... وكل ناس الامارات بيقولوا كده
السيراتو كشكل تقليد للسيفيك الجديدة
خالص خالص خالص ... بص علي فوانيس الاتنين وشوف وبص علي الظهر بتاع الاتنين وشوف
خالص تحياتي