رد: مساعده في سستم صوت كامل ومميز
أهلا بيك فى المنتدى, تعديلات الصوت بتنقسم ال 3 أجزاء:-
1-الهيد يونت أو الكاسيت وفيه أنواع كتير, يعنى فيه سي دى بلاير زى بايونيير وأل جى وسونى, والحاجات دى بتبدأ من 500 جنيه, وفيه دى فى دى بلاير برضه من الأنواع السابقة وده بيبقى فيه شاشة تاتش وبيعمل كل حاجة وسعره بيبدأ من 2200 جنيه..
2- الصب: ودى علشان لو عايز تعمل فرح بالبيز فى الشارع , وفيه منها بازوكا ودى بتدى صوت قوى وتركيبها سهل وسعرها بيبدأ من 500 جنيه ولازملها أمبليفاير من300 جنيه فيما فوق, أو ممكن تجيب صب أو أتنين وتركبهم فى صندوق مع الأمبليفاير برضه.
3- السماعات والتويترات: طبعا أنت مش عايز تسمع بيز بس, فهتركب سماعات بيضاوى بايونيير ودى بتبدأ من 300 وهتجيب معاهم تويترات علشان الأصوات الحادة ودى سعرها بيختلف حسب الماركة
أنا رأيى أنك تجيب بازوكا و أمبليفاير 300 وات rms فور تشانل وتركب عليه بازوكا فى قناتين والقناتين الباقيين لباقى السماعات البايونيير, وياريت تروح عند حد بتاع صوتيات محترم يشوف لحضرتك أنسب نظام ويركبهولك كمان علشان الصوتيات علم كبير وصعب تتشرح فى موضوع واحد.
وأبقى قولنا عملت أيه.
|