رد: بعد اذنكو مساعده يا جماعه - بخصوص تجديد الرخصه ونقل الملكيه
شوف يا عم كريم
الاول تعمل نقل ملكيه لنفسك بالشهر العقاري اللي انت تبعه دا لو انت شاريها بتوكيل
ولو مش بتوكيل يبقي خلاص
تاخد بعضك وتطلع علي مرور البحر الاحمر تعمل شهادة مخالفات للعربيه
بعدين بقا تاخد الشهاده دي وترجع علي مروركم في القاهره وتشتري ورق تجديد وفحص وتروح ترفع بصمه
من مكان الفحص عندكم والمهندس هيمضي ويكتب مطلوب مطابقة البصمه والظابط يمضي وتختم وطيران علي البحر الاحمر تاني
تطابق بصمه وترجع تاني القاهره
تكمل فحص وبعدين تاخد كل الورق اللي معاك وعلي الشبابيك بتاع الملاكي في ادارة المرور
تسلم ورقك ونمرك وتدفع الضريبه وتركب النمر الجديده ....و...و
وتفضل تلعن اليوم اللي ركبت فيه العربيه اللي كانت السبب في بهدلتك دي
نقطه مهمه((مش هتحتاج العربيه معاك في البحر الاحمر خالص))
موفق ان شاء الله
|