[luckyman]

المشاركة الأصلية كتبت بواسطة odaoda يا استاذ محمود الى حضرتك شايفة فمصلحة حضرتك اكيد هتعملة لوحضرتك خايف من الصينى بلاش منة خالص عشان نفسك هتحدذك بان اى شئ فالعربية هتقول دة صينى وحاجات كدة رغم ان مش الصينى بس الى بيحصل فية عيوب الكورى من اول الافيو وعيب الار بى ام الشهير والانوس وضعف تقفيلها (والله واحد صاحبى اشتراها زيروا اتخبطت راح يصلحها قالوا العربية دى راشة يا بية ) ودراع الدركسيون اكسر بعد 3 شهور لكن لو الكلام دة حصل فعربية صينى تلاقى الدنيا قامت ومقعدتش اصلها صينى نرجع لعيوب العربيات هتلاقى فقسم الهيونداى موضوع اسمى حكايتى مع النيو اكسنت وما اتخذتة مع غبور اقرا الموضوع بالكامل حضرتك وهتلاقى فقسم شيفرولية (اذا كنت تريد شراء شيفرولية افيو اضغط هنا لتعرف مميزات هذة السيارة لخارقة ) واتفضل اقرا الموضوع بالكامل وهتلاقى فكل الاقسام عيوب ومميزات اما الصينى عشان جديد بس فالعين علية حبة فنصيحة ( دة لو كان ليا الحق انصح ) لو حضرتك خايف من الصينى بلاش منة خالص واشترى حاجة مضمونة يابانى لانسر مثلا او حاجة من هذة العربيات الجديرة بالاحترام بكل تأكيدوربنا يباركلك فعربيتك اى كان الى ناوى تشتريها

كلام منطقى ووارد جدا
وفعلا يا اخوانى الكرام بتدخل فى مكونات سيارات كتيرة مشهورة فى مصر مكونات لا ترتقى ابدا بالمستوى المطلوب
ودة طبعا مسؤولية المجمع الصانع المحلى والشركة العالمية الشركة الام لانها اكيد عارفة ومطلعة على كل اللى بيحصل وموافقة موافقة ضمنية على اللى بيحصل لانة مش حاله او اتنين
والمعروف ان اى شركة محترمة لما تعوز تجمع تتاكد الاول ان الصانع والمجمع المحلبى يلتزم بجميع المعايير وتوكيد الجودة لكن الواضح ان السوق المصرى لا يحترم ولا توجد فية ضوابط او توكيد لاى معايير الجودة وانا شايف ان اللى لا يحترم مستهلك يدفع عدة عشرات الالوف من الجنيهات ولا يحصل مقابلها ما يدفعة لا يستحق مهما كانت ماركتة او شهرتة اننا تحترمة ونختار عربيتة
خصوصا ان السوق اصبح مفتوح والاختيارات تعددت
طبعا يتحمل جزء كبير بجانب الرقابة الحكومية المواطن او المسيتهلك اللى بيعرف ان النوع دة فى علية مشاكل والتجربة خير دليل ولسة تلاقية بيسأل اجيب او يروح يحجز وينتظر كمان
على الاقل حتى لو المنتج جيد لا تكون السوق المصرى ساحة وملعب ومرتع لتجارب انواع جديدة حتى لو جيدة الا بعد توفر كل معايير الجودة والسلامة زضمان خدمة جيدة
اشمعنى اللى عايز مننا ياخد قرض من البنك البنك بياخد حقة وبيضمن كل الضمانات
او الوكيل بالتقسيط بيضمن توفر كل الشروط لاسترداد حقوقة
وبالتالى لية لا يكون هناك ضمانات وقوانين مشددة لحماية المواطن والمستهلك وانة يكون رقم واحد ؟؟؟؟؟؟؟؟؟؟