[Prince2003]

المشاركة الأصلية كتبت بواسطة mindvision استلام العربية ان شاء الله يكون علي خير والف مبروك مقدما... 1- البنزين اللي المفروض تستعملله في العربية هو 92 وماتفكرش في 90 ده تماما... 2- اللي المفروض تستلمه مع العربية الكتالوجات الخاصة بها والخاصة بالكاسيت، كذلك شهادة الضمان وورق التامين ان كنت شاريها قسط وورق البنك كذلك عشان تعرف ترخص.. 3- الحاجات اللي المفروض تبص عليها هي الاستبن والكوريك والكاسيت وعلبته والاريال 4- الحاجات اللي المفروض تبص عليها من برا هي انك تمشي ايدك علي صاج العربية بالكامل لانه هايبقي متغطي ومش هاتشوف اذا كان فيه عيب ولا لا... 5- من جوا العربية محتاج تبص علي الفرش والتقفيلات وصوت الكاسيت والسماعات والراديو والكراسي ولو كانت العربية فول اوبشن جرب تعدل مستوي كرسي السائق وتعدل مستوي الدريكسيون كمان... جرب برده تحريك جميع الكراسي وتجربة جميع احزمة الامان... 6- حسب تجربتي الشخصية وانا بقالي مع العربية سنة... فاول ماستلمت اتصلت بيهم في التوكيل وقلتلهم اتعامل ازاي مع العربية في اول 1000 كم، وكان ردهم اني اتعامل معاها عادي بدون حرق او جري واني اجيب اي سرعة انا عايزها لحد 100 ك/ساعة بدون ان اثبت علي سرعة واحدة... اهم حاجة تكون السرعة متغيره.... ويمكنك التاكد من خلال الاتصال بهم علي 16202 وبالتوفيق ان شاء الله ....

ptmnlo123per154

مرسي جدا يا باشا
وان شاء الله ربنا يوفقني