[AbOnOrA]

مرة تانيه

اولاً انا مش هشجع فريق فاشل كروياً لمجرد انه الفريق العربى الوحيد ممكن اتعاطف معاه اه بس مش هشجعه لانه فريق سىء فنياً بكل المقاييس وبالتالى لوقولت انى هشجعة ابقى بضحك على نفسى

ثانياً فريق الجزائر مفيهوش حد اخلاقه كويسه ولا ليه تاريخ مشرف فى اى حاجة وكل اللى بنشوفه منهم عصبيه وهمجيه واخطاء طفوليه فى الملعب وده اللى بيخليهم ياخدو انزارات وطرد يعنى حتى الالتزام باخلاق الرياضة منعدم

ثالثاً بعد ما اتكلمنا فى الجوانب الفنيه للمنتخب ككل ولسلوكيات اللعيبة رياضياً نتكلم فى موضوع التعاطف لان زى ماقولت مستحيل اشجع فريق ولعيبة بالشكل ولا المهارات ولا الاخلاق ديه
السؤال بقى ايه اللى يخلينى اتعاطف مع فريق عربى ومتعاطفش مع فريق افريقى مثلا
وازاى اقدر اتعاطف مع فريق انا عارف انه طلع على حسابى بالبلطجة والتخويف وانى احق منه وافضل بميت مرة
ده انا كل ما اتفرج على ماتش واشوف مستويات فرق زى الجزائر وسلوفانيا واليونان اقول فين دول وفين منتخب الساجدين ؟

فيه فرق شاسع بينا (كفرق) فى المهارات والاداء والخبرات والاخلاق الرياضية يخلينى كل ما اتفرج احزن اننا مش احنا اللى نلعب وافتكر انهم بيلعبو مكانا بغير استحقاق

علشان كده بصراحة مطلقة عمرى ما اقدر اشجع الجزائر فى كاس العالم بالعكس كنت هزعل اوى لو كسبو انهارده لان مقتنع ان هو ده مستواهم الحقيقى والطبيعى من البداية وحتى الان والهزيمة والمركز الاخير هو مكانهم الطبيعى

لكن ليه برضو نتعاطف معاهم على انهم عرب وهما نفسهم بيعتزو بقوميتهم كامازيج مش عرب
طب هى اشكالهم ديه وقصات شعرهم الغريبة توحى بانهم عرب بالله عليكم ؟؟
دول حتى مبيتكلموش عربى !!!

وليه نغلب التعاطف معاهم على انهم عرب على التعاطف مع فريق زى نيجريا الدولة اللى اغلبها مسلمين ومهمشة تماما من الواقع العربى والاسلامى

وبعدين ارجع تانى واقول ليه نتعاطف مع العرب عموماً اذا كان فيه دول زى البرازيل والاكوادور بتاخد مواقف اكثر عروبه وشرفاً من دول عربيه كتير ضد الكيان الصهيونى !!


وعلى فكره كانو بيلعبو كويس خاصة قدام فريق قوى زى الارجنتين وكنت متعاطف معاهم فعلا لكن فى العشر دقائق الاخيرة لما كانو على وشك يجيبو جون لقيت نفسى بتمنى ان ده ميحصلش علشان الارجنتين لعبت بجديه وتستحق الفوز لمجهودها على مدار ال 90 دقيقة

باختصار ديه رياضة مش حرب واذا كنت ممكن اتعاطف بعض الشىء مع فريق عربى او افريقى الا انى اتمنى الفوز للافضل واستمتع بالاداء الافضل

وبغض النظر عن الرياضة وكرة القدم ادعو جميع المثقفين واصحاب الرأى لاعادة النظر فى القومية العربيه عموماً التى اصبحت كلمة جوفاء بلا معنى ولا وجود