رد: احترت و احتار دليلى
الأول حضرتك محتاج تعرف قطر الفتحات قد أيه علشان تشترى السماعات المناسبة.
وبالنسبة للسمعات فى صينى سعره رخيص جدا حوالى 30 فيما فوق للجوز.
وفى حاجات نضيفة زى بايونيير وكينوود ودى بتبقى عموما فوق 150 جنيه.
والصينى هيبقى كويس جدا بالنسبة لامكانيات الكاسيت.
نيجى للحوارات الصعبة, mosfet ده هو نوع ال amplifying اللى الكاسيت بيستخدمه وال 50w ده الrms بتاع الكاسيت يعنى الوات المستمر(القدرة) اللى الكاسيت يقدر يشغل بيها السمعات بصورة مستمرة, يعنى مثلا لما بتعلى الكاسيت قوى بتلاقى السمعات صوتها وحش, ده بسبب أن ال rms بتاع الكاسيت أعلى من بتاع السماعات فالسمعات بتشتغل لحد معين بعدها يبدأ جودة الصوت فى الزوال.
و أهم حاجة لما تشترى سماعات يبقى ال rms بتاعها مطابق للسي دى أو مختلف عنه حاجة بسيطة , وهتلاقى سماعات مكتوب عليها 700 وات وهكذا أوعى تشترى لو ال rms قليل ولو الراجل أتنطط قدامك, لو أشتريت يبقى أنت معملتش حاجة.
كل ده من غير الدخول فى أى حوارات, دى أساسيات.
وبعد كل ده , ممكن تركب السماعات بنفسك لو بتحب الDiy أو تخلى حد مختص يركبهملك وبصراحة مقدرش أفيدك بالمكانptmnlo123per144.
والواحد مابيتعلمش ببلاش$$$.
|