رد: قبل أن تشتري اسبيرانزا - احذر!
انا عامل 7000 كيلو بال516 و العربيه زى الفل
اكيد فيها بعض المشاكل بسبب تقفيل مصر لكن قابله للعلاج و مش فى اساسيات العربيه
لكن بعد ماشتريتها استغربت الحرب الغريبه عليها لانى لقيتها ركوبه ممتعه و 90%من اللى كتبوا الكلام ده ماشافوش العربيه (عيبنا يا مصريين) و الباقى بيتكلموا عن موديلات قبل 2008
العربيه صاجها قوى جدا - مريحه فى السفر الى اقصى درجه - الكماليات عاليه جدا و فيها كومبيوتر متقدم - طويله لكن سهل ركنها جدا - عاليه جدا على الارض
عيوبها :
ان التكييف اضعف من اليابانى لكن اذا استنيت عليه بيبقى ثلاجه
صوت العفشه و علبه الدركسيون عالى فى الحفر و الطرق المدقدقه (ده مش عيب هي العفشه الرياضيه كده)
باقى العيوب مشاكل تقفيل او سوء خامات زى غالبيه تقفيل مصر
اى عربيه اوروبيه او يابانيه فيها نفس الكماليات و 1600 سعرها يبدأ من 120 130 الف جنيه وهى دى اللى مفروض تتقارن بيها
فى رأيى ان الموضوع بسيط: اللى عايز عربيه فخمه تدى منظر و شياكه و اوبشن بس بشرظ مايدبش بيها و يعاملها معلمله تاكسى الارياف هاتشتغل معاه زى الفل و هى فعلا تساوى سعرها بالظبط
و كل برغوت على قد دمه
و اللى بيفكر يصلى صلاه استخاره والله المستعان
|