[adel omran]

اخوانى الاعزاء لانى بسوق العربيه كتير فى طرق بلدنا الحبيبه ولانى زى كتير منكم بحب افكر وانا سايق ايى اللى ممكن اعمله فى الزحمه الشديده علشان اروح البيت بسرعه ولانى عايش فى مصر بلد التجارب دايما اى فكره بفكر فيها بلاقى عفريت من عفاريت البلد عملها لكن المشكله انه برده لا هو روح بدرى ولا انا كمان ,,,, بس فانا قولت ليه مفكرش فى حاجه مش ممكن حد يفكر فيها ولا يمكن تخطر على باله ......
الالتزام بالحاره المرورررررررررريه ,,,, يا جماعه اللى اتا بشوفه فى الطرقات فى مصر مش موجود غير فى مصر وبالاخص فى القاهره عربيات فى صفوف متلويه مثل التعابين قال يعنى الواحد من دول لما يزنق وش عربيته 2 سم فى العربيه ديه يبقى كدة اسطى يا جماعه فى وسط الزحام الرهيب اللى بنعيشه لازم يكون فى سلوك واحنا للاسف مفتقدين السلوك بابسط قواعده وانا حبيت ان المبادره تبدء من منتدى مصر موتورز واهى تكون تجربه اننا نبدء نلتزم بالحارات المروريه يمكن ده يكون مثال كويس يحتذى بيه على الطرقات والكبارى ويمكن ده يمثل بدايه استرجاع جزء من السلوك المفقود