أخي الفاضل ..
بصراحة انا لو مكانك هاستحرم احط المبلغ في نيو اكسنت ،، عربية مش قد كدة و وقت ما تحب تبيع هايتقسم وسطك خسارة (بعد الشر طبعا) ،، لكن ده اللي بيحصل لاي حد بيبع عربية كان شاريها زيرو
أحسن عربية في الخمسة هي الكورولا مفيش كلام (كعربية) لكن مع بقيت الحسابات التانية يبقى لازم تفكر شوية ... 
أنصحك تستبعد الياريس من تفكيرك ... تصميم العربية وحش اوي، شكل خوزعبلي غريب ،، زوية ميل فظيعة في الكبوت مع تابلو كبييييير بيخلي سواقة العربية صعبة و محتاجة وقت طويل على ما تتعود على ابعادها
العربية عالية زيادة عن اللزوم و ده سبب رئيسي في ثباتها السئ
و نشيل كمان السيراتو لان حاجتها مش موجودة و العربية مانتشرتش ،،
بيعها هايكون صعب و مع الوقت اعتقد ان سعرها هاينزل كتير جدا
أنا برشحلك الالنترا من ضمن الـ 3 عربيات الباقية (كورولا/لانسر/النترا) ،، عربية كويسة و واسعة موتورها قوي 1600 / 121 حصان .. و مريحة لكل اللي جابوها
كأساسيات ،، و كماليات
و برضو اسمع اراء ناس تانية (و اللي كتير منهم هايقولك لانسر ^_^ ) و صلي صلاة استخارة ،، و ان شاء الله ترسى على الخيار الافضل ليك
ربنا يوفقك يا رب ... تقبل تحياتي