المشاركة الأصلية كتبت بواسطة imiibr
السلام عليكم
اخوتى انا بدور على اول عربيه لى منذ 4 شهور و فكرت اجيب لانوس مستعمل فى الاول بس بعد تفكير قولت ماجيب حاجه اوتومتك عشان انا شايف ان الشوارع فى مصر مينفعش معها الا اوتومتك
ففكرت اجيب نيو اكسنت اوتومتك بس بعد ما قراءت موضوعات كثيره عن العربيه ديه اكتشفت ان العربيه ديه متستهلش المبلغ ده 84000 ج و الله اخرها عندى 70 الف بس بس اعمل ايه ده السوق المصرى
ففكرت فى المستعمل قولت المبلغ الى كنت هجيب به النيو اكسنت اقدر اجيب بى عربيه مستعمل ممتازه فافكرت فى 5 عربيات هعرضهم عليكم وتقولوا لى رايكم فيهم ومين افضلهم
1 - لانسر 2007 اوتومتك كلاسيك : بصراحه انا عارف ان العربيه ده تعتبر افضل عربيه فى السوق المصرى من حيث اعاده البيع المتور و العفشه و الاعتماديه عليه و كمان صيانتها رخيصه و قليله الاعطال بس المشكلتها معايا بحس انها ماليه البلد مش حتحس انك مميز وانت راكبها المشكله لما رحت اجربها حسات انى راكب عربيه قديم التبلوه بتعها فقير اوى مستريحتش فيها وخاصا بعد ما ركبت اليارس مع صحبى و ده كان اختارى الثانى .
2 - ياريس 2008 اوتومتك 1300 : العربيه بصراحه من جوه جميله تبلوها شيك كرسيها مريحه جدا عكس الانسر واهم ميزه فيها انها تصنيع يابانى سحبها حلو تكيفها جميل بس للاسف لقيت العيوب ده فيها و ده من كلام صحبى 1 - العربيه خفيفه بعد 120 و خاصتا لو فى هواء جامد و فى ناس بتقولى لو عربيه ترله عدت من جمبك بسرعه كبيره ممكن العربيه تطير منك !!! 2 - دهان العربيه حساس جدا يعنى مع الخبط و التكحيت الدهان بيتشال بسرعه 3 - اكصدام العربيه ضعيف و المشكل انه واخد اغلب الكبوت و تحس ان المتور وراء الاقصدام علطول ..... والمشاكل ده بتخوفنى عشان انا ساكن فى اوحش شوارع مصر "فيصل" وانتم عارفين يعنى ايه فيصل
3 - كيا سيراتو الشيب القديم : مش عارف ليه بحب العربيه ده بحترمها اوى ناس كتير بتقول شكلها كلاسيك اوى بس بحس انها عربيه مسكه نفسها تقيله على الارض متورها جيد مش اى حد ركبها فى ناس بتقول انها قليله المشاكل بس فى ناس خوفتنى منها : 1- قطع غيرها مش متوافر بكتره فى السوق عشان الشيب الجديد خد مكانها وهى منتشرتش اوى وقطع غيارها غالى شويا 2- فى مشكل واحد قالى عليها فيه دفعه كانت نازله بالوان تاكسي العاصمه و بعد فشل المشروع العربيات دي اترشت و بدأت تتباع للجمهور علي انها عربيات جديده 3 - ناس كتير قالت لى لو فكرت تبيع العربيه ده هتعب شويه عشان ليها ذوبنها الخاص
4 - النيو النترا 2008 اوتومتك : بصراحه عمرى مستريحتش للعربيه ده بس انا شابف انها انتشرت اوى فى مصر وسوقها ماشى اوى فى المستعمل و قطع غيارها متوافر و رخيص
5 - تويتا كرورلا 2005 1300 اوتومتك : او الجنيه الدهب ما بيقولوا عليها التجار سمعت كلام جميل و اشعار عن العربيه ده شكلها مقبول صالونه جميل جدا ماتورها تحفه و عفشتها جيد جدا الغربيه فى العربيه ده سعرها فى السوق الناس بتتكلم فى 85 الف جنيه مع ان العربيه الجديده ال 1600 الفول اوبشن الاوتومتك عامله 131 الف جنيه وده عربيه من 5 او 6 سنين عامله اكتر من 70 الف كيلو و كمان 1300 سى سى و الشيب مختلف خالص !!! مش عارف ليه - المشكله التانيه ان كتير من اصحابى بيقولوا لى حرام عليك تدفع الفلوس ديه فى عربيه بقالها 5 6 سنين صحبها خد خيرها ولما تجبها و تعد معاك سنه او اتنين تلاقيها فتحت بوقها
انا عارف انى طولت اوى بس بجد انا محتار مش عارف اتصرف محتاج رائيكم وخبرتك
محتار اختار مين فيهم ولا اريح نفسى و اجيب نيو اكسنت بس حرام عليها المبلغ ده وفى الاخر القى مشاكل فى العفشه .
|
اخوتى انا بدور على اول عربيه لى منذ 4 شهور و فكرت اجيب لانوس مستعمل فى الاول بس بعد تفكير قولت ماجيب حاجه اوتومتك عشان انا شايف ان الشوارع فى مصر مينفعش معها الا اوتومتك
عايز اقولك انى مش بامن على عربيتى فى الهيدروماتيك الا فى الالمانى واليابانى
ففكرت اجيب نيو اكسنت اوتومتك بس بعد ما قراءت موضوعات كثيره عن العربيه ديه اكتشفت ان العربيه ديه متستهلش المبلغ ده 84000 ج و الله اخرها عندى 70 الف بس بس اعمل ايه ده السوق المصرى
على فكرة النيو اكسنت عامله 76 الف وكمان عليها خصم 2000 ج من غبور .. دا غير انها مش بالبشاعه اللى انت بتقول عليها دى
ففكرت فى المستعمل قولت المبلغ الى كنت هجيب به النيو اكسنت اقدر اجيب بى عربيه مستعمل ممتازه فافكرت فى 5 عربيات هعرضهم عليكم وتقولوا لى رايكم فيهم ومين افضلهم
1 - لانسر 2007 اوتومتك كلاسيك : بس المشكلتها معايا بحس انها ماليه البلد
بقيت العربيات التانية اللى انت مختارها برضه مالية البلد
التبلوه بتعها فقير اوى
امال لو شفت تابلوه الفيرنا ولا اللانوس هتقول ايه ؟
2 - ياريس 2008 اوتومتك 1300 : بس للاسف لقيت العيوب ده فيها 1 - العربيه خفيفه بعد 120 و خاصتا لو فى هواء جامد و فى ناس بتقولى لو عربيه ترله عدت من جمبك بسرعه كبيره ممكن العربيه تطير منك
دا حقيقى
3 - كيا سيراتو الشيب القديم : 1- قطع غيرها مش متوافر بكتره فى السوق عشان الشيب الجديد خد مكانها
دا برضه حقيقى لانها ماقعدتش فى مصر غير سنتين او ثلاثه
4 - النيو النترا 2008 اوتومتك : بصراحه عمرى مستريحتش للعربيه ده
وانا كمان
بس انا شابف انها انتشرت اوى فى مصر وسوقها ماشى اوى فى المستعمل و قطع غيارها متوافر و رخيص
وكمان عيوبها تكاد تكون معدومه ودا من بق ناس كتير فى المنتدى هنا
5 - تويتا كرورلا 2005 1300 اوتومتك :
مش هقدر اعارضك فى كل اللى انت قولته عنها
محتار اختار مين فيهم ولا اريح نفسى و اجيب نيو اكسنت بس حرام عليها المبلغ ده وفى الاخر القى مشاكل فى العفشه .
لو حابب تسمع رائى خليك فى اللانسر دا لو هى 1600 ( انت ماقلتش هى كام سىسى ) انما طبعا لو 1300 زى الكرولا يبقى طبعا الكرورلا عربية يابانى كاتجرى اعلى من اللانسر وحافظه على سعرها
اما بقى لو حابب تشترى جديد وتشترى معاها دماغك يبقى خليك فى النيو اكسنت .. العربية مش وحشه قوى كده زى ما انت قاكر وانت كمان ممكن تشوف اى حد معاه النيو اكسنت وتجربها .. وماتخافش مش هتندم
وربنا يهديك للاصلح