المشاركة الأصلية كتبت بواسطة ميمو1000
هوضغط الموتور ماشى مع بنزين 90 طيب ممكن نحط 92 ولالازم 90 بالتحديد لانه فعلا غطاء التانك مكتوب عليه يوصى بنزين 90
|
لو حطيت اوكتان اقل حيبقى فيه مشكله لو اكتر مفيش مشكله يعنى تحط 92 احسن من 90 و طبعا متحطش 80
المشاركة الأصلية كتبت بواسطة ميمو1000
من فضلكم يعنى ايه ضغط الموتور
|
يعنى الهواء بيبقى ضغطه بره حوالينا = واحد ضغط جوى فلما البستون بينزل لتحت بيسحب الهواء ( جربها بحقنه من غير ابره شدها لتحت ) و بعدين الصمام يقفل و البستون بيطلع ( جرب سد فتحة الحقنة و دوس عليها حتحس الهواء بيضغط على صبعك جامد ) حيتغط الهواء و يرفع ضغطه من واحد ضغط جوى لتقريبا تسعة ضغط جوى يعنى يرفعه تسع اضعاف طبعا ده مثال بتفرق من ماتور لماتور فالبنزين ليه قدرة تحمل للضغط و الحرارة لو عداها يفرقع لوحده من غير بوجيه يعنى قبل ما البوجيه يشتغل و ساعتها نقول ان الماتور بيسقف فلازم يتحط بنزين درجة اوكتان اعلى علشان يستحمل الضغط و الحرارة بتاع الماتور ده و ميفرقعش الا لما البوجيه يشتغل