المشاركة الأصلية كتبت بواسطة خالدخليفة
تسلم ايدك ياباشا وانا قريت الموضوع وان كنت انت اكلت حتة نمت فين فى الليلة اللى بيتتها بين الكويت والسعودية وان كنت خمنت انك نمت فى العربية لانك خرجت من الكويت 11 صباحا تقريبا ووصلت ميناء العقبة 9 صباحا تانى يوم
وبصراحة الرحلة كانت لذيذة لحد م وصلت ميناء العقبة خلتنى غيرت رايى طيب انت ليك واحد صاحب والدك واحنا منعرفش حد وانا مبعرفش اتعامل مع موظفين الدولة والشرطة خصوصا وهشوف الذل اللى مشفتوش لما ربنا كرمنى ومدخلتش الجيش
ثم ان عربيتك 5700 سى سى يعنى متهيالى التكلفة داخل مصر فقط على السرعات اللى بتحكيها تفوق تكاليف الطيارة نفسها ونصيحة لله متجريش بالسرعات دى تانى على الزراعى ده انا حافظ الزراعى بالمتر ومبعملهاش لطبيعة الطريق والناس
الطيارة اريح ياعم من وجع المخ ده
وتيجى بالسلامة ان شاء الله وان كنت قلت لك حمدا لله على السلامة فى موضوع تغيير الاسامى المقصود بيها على سلامتك لما جيت الموضوع وسمى نفسك محمد كمال بقى ده اسم لذيذ والله
|
ربنا يخليك يا باشا
نمت فين ؟؟؟ سؤال غريب ماجاوش عليه .. لأ هجاوب عشان خاطرك .. انا مانمتش يا باشا قضيتها سواقة بس كنا بننزل نريح بين كل مدينة و التانية و نشرب قهوة و ريد بول .. و لما وصلت العقبة الصبح و ضربنا الفول عينى غفلت ساعة و لا ساعتين و ان قاعد فى العربية مستنى العبارة .. و د كان النون الوحيد فى الموضوع كله ....
الرحلة فعلا يا باشا لو اتشال منها الجزء بتاع (العقبة - العبارة - نويبع ) هتبقى احسن رحلة فى الدنيا ...
بالنسبة للتعامل مع الموظفين , اول ما توصل مصر ممكن تجند واحد من المخلصاتية و تديله المعلوم و هتتعامل معاملة احسن بكتير
و بنزين العربية بهدلنى فى مصر والله ... بس انت فاهم بقى كلها شهر يعنى و اجازةو عاوزين نتبسط مش مشكلة
و الطريق الزراعى طبعا اخره 120 .. و انا كمان حافظه .. 6 سنين رايح جاى عليه بس المشكلة بقى لما تبقى تعبت فعلا و عاوز تخلص .. فعلا بيبقى هاين عليك تعمل اى حاجة وربنا يسترها معانا جميعا
وو اكيد يا باشا الطيارة اوفر و اريح ... بس اللى رمالك على المر .. فعلا مصر من غير عربيية مع وجود زوجة و اطفال عذاب فى عذاب و الايجار تلبيس و اشتغالات.. فا هو تعب يومين سفر بيفر شوية تعب الاجازة من غير عربية
و بالنسبة لإسمى يا باشا .. انا عارف انه اسم رومانسى و موسيقى .. هههههههه..
بس انا مستنى اخلص الامتحان بتاع بكرة و افضى كدة و اختار اسم معبر
دعواتكم معانا يا رجالة
و شكرا يا باشا على المداخلة الجميلة