المشاركة الأصلية كتبت بواسطة hazem_khidr
كود موتور النيسان صني هو qg16 de
و هو نفسه كود موتور الرينو سكالا
فبالتالي الاتنين نفس المحرك
اما بالنسبه لاختلاف القوه الحصانيه فدا بيرجع لتعديلات طفيفه في الموتور
يعني تغيير في وش الصبابات و زاويه فتحها و غلقها و توقيتها دا اللي ممكن يسبب فرق القوه
بالنسبه للشاسيه و هو N16 للنيسان صاني
و هو نفسه شاسيه السكالا !!!!
نظريا العربيتين واحد و الكفه ترجح لصالح السكالا
شكل احدث و تقفيل كوري و ما الي ذلك من مميزات
و لكن...
لسه محدش جربها و انا شخصيا مش حقدر اقول عليها كلمه غير لما اجربها او اشوفها بعيني
|
يا استاذ حازم التنين نفس الموتور ونفس القوة الحصانية اعذري في اللفظ دي صياعة عاملاها توكيل نيسان انو كاتب 118 hp وهتلاقي مكتوب جنبها sae gross يعني القوة قبل ما توصل لانظمة نقل الحركة والتعليق اما الرينو فحاطين القوة بعد ما توصل لانظمة التعليق ودي اللي المفروض كل الشركات تحطهابس هانعمل ايه ده ضحك علي الناس ولو حد فتح بوقو يقولو ماحنا كاتبين جنبها Gross وادي دقني ان كان حد من المستهلكين فاهم يعني ايه
يا ريت حضرتك تتحقق من الموضوع ده لان الموضوع ده بيضحك بيه كتير علي الناس اللي بتشتري الصني
وانا انصح صاحب الموضوع بالاسكالا طبعا لان الموتور موتور نيسان بتطويلر رينو والسكالا اساسا بتنزل باسم نيسان صني في الخليج بس موديل بعد اللي عندنا كمان توكيل رينو احسن الف مرة وكمانكماليات العربية احسن والتقفش مصري
تقفيل الصني مصري وكل الناس بتشتكي منه
وربنا يوفق حضرتك بس بجد السكالا لاتقارن بالصني حسن مليون مرة