المشاركة الأصلية كتبت بواسطة Ahmed Anwer
أنا اتوقع التالي مبدئيا ،،
المنافسة في الفئة العائلية هتحتدم ما بين الجيتا و الاوكتافيا و الكورولا و السيفيك
هتكون العربيات دي في متناول اليد بدلا من اللانسر و الماتريكس و الفيرنا و اللانوس
ثانيا مرسيدس تشهد ثورة عالمية في مبيعاتها و تبعت جواب شكر للحكومة المصرية
حيث اصبح بامكان الطبقة المصرية المتوسطة تحقيق احلام طفولتهم و اقتناء سيارة مرسيدس
باسعار تبدا من 150 الف جنية
ثالثا اغلاق مصانع التجميع المحلي لعدم قدرتهم عالمنافسة و البديل للسيارات الرخيصة يكون الهند و ايران
رابعا السيارات الكورية هتكون في موقف محرج
لكن هتتواجد فقط كسيارة ثانية للزوجة و سيارات للشباب و تاكسي و سيارات ايجار و ديليفري
خامسا السيارات الصينية فرصتها هتنعدم
سادسا محدهش هيركب العربيات دي
لأن البلد هتتحول لباركنج كبير ptmnlo123per111
|
طيب مانت عارف اهوه بتسأل ليه بقى ptmnlo123per145
طبعا كل اللى قولتوه صح ...
بس بنظرة مبعدية (بعيد عن صحابتها يعنى) ممكن نحلم بالاتى:
اتساع عمرانى فى مصر غير مسبوق نتيجة اقبال الشباب والاسر الصغيرة والمتوسطة على السكن فى مناطق بعيدة عن العاصمة (بس برضو لازم بشكل موازى تتفعل خطط اخراج الوزارات والمصالح من قلب القاهرة وشوية قوانين خاصة للقاهرة الكبرى تطبق بجدية وحزم من شائنها تقليل كثافة المرور فى فترات الزروة وفى الاماكن المختنقة مع توفير بدائل انتقال حضارية جديدة زى مترو الانفاق والاتوبيسات الجماعية )
هبوط فى اسعار السلع والخدمات اللى بتعتمد على وسائل النقل وما اكثرها
ممكن (ليه لاء) ساعتها يبقى فى تعاون دولى ومحلى (طبعا بوجود استراتيجيات قومية فعالة) لانتاج سيارات فى مصر على اعتبار ان قاعدة سوق المستهلكين هتكبر جدا واحنا بلد مستهلك اصلاً
ممكن ساعتها برضو يبقى فيه استثمار اكبر فى قطاع الغاز وينزلوا عربيات بتمشى بالغاز ونستهلك الغاز بتاعنا بدل ما بنرمية برة برخص التراب
هنشوف نهاية اكيدة لجشع التوكيلات والتجار لان المقارنة هتبقى مباشرة وواضحة بينا وبين اسواق الدنيا كلها
يعنى بدون اطالة بقدر ما الوضع ده هيزلزل كيان السوق واقتصادياتة كلها بس هيبقى ليه مردودات بالغة الاثر وبشكل ايجابى جدا مستقبليا
لكن
معنديش حالياً احصائيات بمعدل العربيات اللى متقسطة فى فترات 2006- 2007 - 2008 وانا شبة متاكد انها كمجموع تساوى او تزيد مجموع العربيات اللى موجود فى مصر من كل العصور وده معناه خسارة فادحة فى قيمة العربيات اللى الناس اشتريتها بالقسط فى الفترة ديه
للدرجة اللى الناس هتلاقى نفسها مطالبة بسداد اقساط عن العربية اكبر من تمن سيارة جديدة ويمكن عربيتين كمان
وطبعا اللى مقسط هيمسك فى رقبة البنك والبنك هيمسك فى رقبتة والاتنين هيبقوا مصيبة كبرى على الحكومة اللى استفادت جامد من تسهيل اعتمادات قروض شراء السيارات فى الفترة اللى فاتت
وعلشان كده وده طبعا بالاضافة لسبوبة الجمارك (ديه حنفية سبابيييب مش سبوبة واحدة ) اللى هتتقطع عنهم وبالاضافة للمبلغ المطلوب لدعم البنزين بناء على الاستهلاك الجديد المتنامى اصلا حالياً كل ده محتاج حكومة افلاطونية وحكومتنا اللالكترونية الذكية الرشيدة الجهنمية فى غنى عن خوض التحديات ديه كلها علشان خاطر عيون الناس او حتى علشان يبقى عندنا استراتيجية للتوسق مستقبلياً فى ظل ارتفاع تكاليف اقتناء سيارة وانحدار مستوى وسائل المواصلات كلها بداية من التوك توك مرورا بالميكروباص والتاكسى حتى مترو الانفاق الله يرحمة وشبكة القطارات المتهالكة وقطاع الطيران المدنى الهزيل
كفاية كده علشان مجيبلكوش اكتئاب بقى ptmnlo123per160