شكرا ياباشا على الموضوع المميز
بولو اول ما ركبتها حسيت انها عربية الشباب الاولى فى العالم شكلها وقتها كان هو معنى الشياكة و طبعا الكاسيت البايونير ولا الكينود كان بيعمل فيها احلى شغل فى الدنيا و كان عيبها انها 1000 سى سى بس او 1100 مش فاكر
فيات 131 اول عربية سوقتها و فعلا حسيت معاها ان السواقة دى حاجة سهلة جدا من سلاسة العربية
فولفو 240 موديل 1979 وحش الوحوش عشت معاها احلى ايام الصبا .. فعلا طيارة مش عربية
132 اول مرة ركبتها عجبنى اوى تعليقها الناعم و قوة سحبها الجبارة ساعتها
من العربيات اللى اثرت فيا كانت الدوجان
لما ركبتها فى اوائل التسعينات حسيت انها عربية فخمة جدا و ناعمة جدا
لانسر موديل 1995 اول ما شفتها فضلت متنح قدامها و مش عاوز امشى من كتر ما كان شكلها عاجبنى .. كانت تحفة
مرسيدس شبح اول ما شفتها حسيت انها دبابة او سفينة فضاء و مكنتش مصدق ان فيه عربيات بالحجم ده و الفخامة دى و الامكانيات دى
زلمكة كانت مع واحد صاحبى فى مصر و كنت لما بركب معاه بحس انى راكب احسن عربية فى الدنيا من كتر الراحة و الامان و قررت انى يوم ما اقدر اجيب العربية دى لن اتردد و الحمد لله جبت اختها و قضت معايا 3 سنين ..
ابيزا .. كانت شيك جدا اول ما نزلت و كانت ايقونة الشباب .. بس لما ركبتها ماعجبتنيش قوى و حسيت انها ناشفة بس ده طبعا فى سبيل الثبات ..
مرسيدس عيون ... كانت سنة 1999 و مكنتش مصدق نفسى انى ركبت العربية اللى بشوفها معدية بتنح ,, ايه ده فخامة و دلع و شياكة و قوة ووووووووو حاجات كتير جدا و شعور لا تصفه الكلمات
بى ام 330 من الاخر ... هكذا يجب ان تكون السيارة الشبابية الرياضية ..
بى ام 740 كنت قاعد فى صالون بيتنا معزول عن العالم مع عربية فيها كل امكانيات الرفاهية بموتور طيارة بس ماعجبتنيش مساحة الكراسى الخلفية ضيقة الى حد ما بالمنافسة مع الاخرين .. اما اللارج منها فهى بجد سفينة و فعلا تمشى على سرعة 200 و انت سايب ايدك
مرسيدس s350 موديل 2005 و سقتها سنة ما نزلت و كنت هعيط و انا نازل منها ... لا سيارة الا المرسيدس .. قاعد فى فندق 10 نجوم .. تدوس بنزين لا تحس بصوت ولا هزة و لا رجفة ولا العربية تعلا من قدام ولا تتخنق .. كل اللى بتحس بيه ان اللى قدامك و اللى جنبك بقى خلاص وراك ....
بى ام 630 لا تقدر الكلمات على وصفها .. فعلا كنت بتمنى انى مانزلش منها ابدااااااااااااااا
كابريس عربيتى الحالية .. سفينة فى الوسع و الراحة ووحش الدراج ريس .. مفيش الا عربية واحدة شديت معاها و سبقتنى و كانت بورش تيربو ... و كانت سبقانى بحاجة بسيطة بامانة لحد ما وصلنا سرعة 240 حسيت انى هطير من على الارض و المفترى التانى ولا فى دماغه و طاير فا طبعا احترمت نفسى و هديت السرعة ... هههههههه و يعيبها طبعا قلة ثباتها على السرعات العالية مقارنة بالالمانى اللى بتمنى ارجعله تانى
بوررش كايين اس طبعا بتاعت اخى و صديقى شريف منسى .. تجربة لا تنسى القوة و الفخامة و العلو و الرفاهية فى سيارة واحدة .. تحس انك باشا و انت راكبها
مرسيدس s350 موديل 2009 ... نمت و انا سايقها و نمت و انا راكب جنب السواق من كتر الراحة و الهدوء و طبعا اول ما ركبت قدام و ورا حسيت انها يعنى بصراحة لازم تكون بتاعت ملك او رئيس جمهورية .. مش بتاعتى انا ... الا بقى لو كانت AMG هههههههه هاخدها و اطير فورا
و لو افتكرت حاجة تانية هرجع لكم