رد: هل أى عربية 1600 cc واتنين كامة - لازم تكون بتستهلك بنزين جامد ؟؟
لاء مش لازم تكون بتستهلك بنزين كتير لكن طريقة ادارة توقيت فتح وغلق الصمامات باستخدام واحد كامة او اتنين كامه بيأثر طبعاً على استهلاك البنزين لان المجهود اللى بيعمله الموتور فى تحريك 2 كامة اكبر بالطبع لكن مش بنسبة كبيره
بمعنى تانى تصميم المحرك ب 2 كامة او 1 كامة واحد من العوامل لكن مش كل حاجة
يتبقى طريقة ادارة تغذيه الوقود هل هى كربراتير او انجكشن نوع وكفائه الرشاشات طريقة ادارة المحرك برمجيا وباقى الصفات الخاصة بالمحرك كلها بتساهم فى تحديد حجم الاستهلاك
كل ما سبق بالاضافة لقوة المحرك اجمالياً بالنسبة لوزن العربيه ونوع الفتيس (عادة او اتوماتيك) حتى تصميم العربيه الشكلى ومدى انسيابيته فى مقاومة الهواء بيأثر على معدل استهلاك البنزين
علشان كده مش شرط ان العربيات بمحرك 2 كامة تكون بتستهلك بنزين جامد
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|