هوندا سيفك اتوماتيك 93 ولا اكسنت 98 خليجي (بسرعة جدا)
السلام عليكم ورحمة الله وبركاته
ازيكم ياشباب ايه اخباركم اتمنى تكونوا بخير
انا معروض عليا عربيتين وهما
اولا هوندا سيفك موديل 93
ودي مواصفاتها
اتوماتيك - 4 زجاج كهرباء - باور - جنوط 16 - لونها فيراني - تكييف - الحالة العامة حلوة
يعني واقفة شكلها حلو هي عايزه شوية تظبيطات من جوه زي في ابواب تقيلة شوية في الفتح والقفل الزجاج في الفتح والقفل بيعمل صوت عالي شوية
ودي صاحبها طالب فيها 40000 الف جنية
ثانيا هيونداي اكسنت 98 خليجي مانيوال
ودي حالتها نظيفة جدا 1500 سي سي - زجاج كهرباء امامي فقط - سنتر وانذار - تكييف - جنوط - اللون لبني - والصراحة العربية حلوة جدا ومجددة بالكامل
صاحبها عايز فيها 39000 الف جنية
ياترى تنصحوني بايه مع العلم ان الاتنين فابريقة من الداخل فقط
وكنت عايز اعرف هل الاسعار دي متناسبة مع الاسعار عامة في السوق ولا لأ
بمعنى هل الاسعار دي غالية ولا معقولة
واسف على الاطالة وياريت سرعة الاستجابة لأن انا كنت عايز اخلص فيهم على بكرة ان شاء الله وشكرا ليكم مرة تانية
|