المشاركة الأصلية كتبت بواسطة مهند سالم
أستاذ حازم، هي أنهي فيهم إلا لادا اشترتها، ال124، ولا 125، سمعت إن لادا اشترت واحدة فيهم وصممت عليها اللادا، فهل الكلام ده مظبوط، وإيه الفرق الجوهري بين العربيتين دول، وإزاي أعرفهم وأفرق بينهم على الطريق، وهي الاثنين جر خلفي، أرجو من حضرتك الإفادة، وشكرا
|
تصميمات اللادا مبنيه علي قاعده عجلات ال 124
الفرق بين ال 125 و ال 124 شاسع
من حيث المواتير موتور ال 124 1400 و 1600 كامه واحده و كاتينه جنزير
ال 125 1600 اتنين كامه كاتينه كاوتش و هو نفسه موتور ال 132 و دا كان بينزل في الاليطالي
و موتور 1500 كامه واحده بينزل في البولندي و المصري
بالنسبه للعفشه ال125 عفشتها اقوي و وامتن من ال 124 و نظام تاني بيمنع البيض انه يملص زي اللي بيحصل مع ال 124 و اللادا
من الداخل الكراسي اكبر و امكانيتها اعلي
و بالنسبه للتصنيف الاوربي
فال 124 تصنف ضمن small family car
و ال 125 تصنف ضمن large family car
ودي صور لل 125 و ال 124
فيات 125 سبيشيال ايطالي
فيات 125 بولندي
والاتنين من ورا نفس الشكل
فيات 124 سبيشيال
فيات 124 نورمال و نفس الشكل الخلفي للاسبيشيال ايضا