[مهند سالم]

المشاركة الأصلية كتبت بواسطة miroseba عندك حق عربيه تستاهل فعلا السعر ده وتخمس وتجرى وتجيب 220 وبصراحه تستاهل انو صرف عليها 1000 تمن فانوس الاشاره بتاع المازدا وبصراحه حرام العربيه تباع بتمن اكصدام الميتسوبيشى متزعلش انا بهزر

يا سيدي، طيب ما أنا كمان بأهزر. أهم حاجة صاحب الشأن عشان لو عايز نخلصله فيها، وبعدين هي فيها كذا ميزة ما حدش واخد باله منهم:
1- الراجل بيحب الجري والتخميس، وبالتالي ممكن يخبط حد، فبالنسبة للعربية دي ممكن لو خبط بيها حد، الراجل مش هيحصله حاجة، والعربية ممكن تجيب شبكة.
2- لو جاب تخميسة جامدة شوية بالعربية العربية دي ممكن تتفكك من بعضها، وبالتالي كل إلا هيخسروا فيها ثلاث ألاف، يعني كلام فاضي.
3- طبعا التخميس والحاجات دي بتبوظ العربيات بسرعة وخصوصا الماتور، طيب دي عربية موتورها بيتعمر ب1000 جنيه ، يعني قشطة، ممكن يهدها ويبنيها ب2000 جنيه، ولو ألفين ومتين، ممكن يعمل المحارة، ومعجون ووش زيت، وتقف على الوش الأخير.
4- العربية ضيقة جدا من جوه، يعني آخره ياخد واحد صحبه كمان جنبه، يعني لا قدر الله لو حصل حادثة مفيش ناس كثير هتتئذي.
5- العربية لا قدر الله لو حصل فيها أي خبط ، ممكن يمشي بيها زي ما هي مخبطة، ومش لازم يصلحها ؛ لأنها أصلا مش هيفرق فيها المنظر والبرستيج قوي يعني،
عموما أنا مستني الرد لو هنخلص فيها، وممكن يدفع 3450، ونقسط الخمسين جنيه الباقية على 30 شهر، وفي تسهيلات كمان في السداد.