[Payoo]

المشاركة الأصلية كتبت بواسطة إبراهيم شعبان معلش ياجماعة أعذروني لسطحية السؤال هل الإنطباع داه عن التوكيل والصيانة والمشاكل الناتجة عن التكنولوجيا الفرنسية ينطبق على السيمبول أيضاً ولا دا خاص فقط بالميجان لأنني بفكر في شرائها وأصدقائي بيحذروني من التوكيل إنه أحياناً ممكن يحجز السيارة بالأسابيع لعدم توافر قطع الغيار أو للزحمة

بصراحة السيمبول لسه ماحدش عرف عنها حاجه
لكن عموما أبعد عن الرينو نهائيا وخليك في الماركات المحترمة والاعتماديه

انا عن نفسي ماشوفتش في امريكا ولا عربيه رينو من اي موديل على الأطلاق بالرغم من زيارتي لاكتر من ولاية وبالرغم من زيارتي اكتر من مره

الأمريكان لا يثقوا إلا في العربيات الاعتماديه القوية لانهم شعب ذكي أما إحنا فشعب طيب وبياخد بالشكل

المشاركة الأصلية كتبت بواسطة elgdawy2007 الموضوع بسهوله شديده ان الشعب المصرى مش موضوع انه مبيحبش يعترف بغلط مش هى دى جوهر المشكله .جوهر المشكله ان الشعب المصرى والمقصود طبعا اصحاب السياره الميجان بالتحديد متخيلين ان لما الناس تعرف ان السياره بها مشاكل محدش حيشتريها اصلا وحتفضل فى عاتق اصحابها مدى الحياه حتى لو حبوا يتخلصوا منها بأى سعر برضه مش حتجيب ليهم فلوس خالص عشان كده مش عاوزين سمعه تطلع على السياره متخيلين بكده ان الموضوع مش حيتعرف خالص وحيكونوا هما فى مأمن بذلك الامر وطبعا الشعب المصرى اصلا شعب زكى ولا يخفى عليه خافيه عشان كده بيقدر يحلل صح وبيتروى جيدا قبل اتخاز اى قرار

أنت جبت المفيد يا صديقي

المشاركة الأصلية كتبت بواسطة maxim82 انا لية واحد صاحبى مات فى العيد الفطر الى فات فى طريقة الى شرم الشيخ و كان راكب ميجان و العربية مش نافعة تانى و هوة اتشوى و مات و الغريب انة سواق ماهر جدا يتمتع بقيادة جامدة و كان معاة لانسر و باعهاو اشترى ميجان و اول مرة يركبها فى طريق مفتوح و سريع و اللة يرحمة بجد الموضوع دة مش حوار دة صحيح و هو صديقى و هوة من اسكندرية

والله أنا كنت قرأت كلام لصديقنا "Tronky" بيقول فيه إن الميجان لو اتعجنت أنت هاتطلع منها سليم بفضل وسائل الأمان الموجوده فيها
وكان جاب لنا اكتر من صورة لحادث فظيع حدث لاحد أصدقائه والعربيه فعلا كانت معجونه

المشاركة الأصلية كتبت بواسطة mahmoud noureldeen الراجل ده بيكلم صح وانا كلمته قبل كده علشان كنت بشترى ميجان 2006او جوليت 2004 ونصحنى بالجوليت وانا بحمد ربنا انى اتكلمت معاه قبل ما اشترى لان الميجان دى واحد صاحبى خدها ومش هاقول غير ان هو تعب نفسيا وعاوز يبيعها باى طريقة

الحمد لله إن مكالمتي معاك أفادك

ربنا يرحم صديقك منها