النهاردة الاحد اجازتي من الشغل قولت اروح الاحق عرض غبور بالنسبة ل 70% خصم علي قطع الغيار وفلتر الزيت المجاني والكلام اللي سمعناه في الراديو لما كالو دماغنا بيه المهم


قولت اروح اعمل صيانة ال 20000 لعربيتي الفيرنا مع ان كان فاضل لسه بتاع 2000 كيلو لسه معملتهمش بس قولت مش مشكلة اروح واهم يتعوضوا في الخصم والكلام بتاعهم ده المهم روحت ايتامكو غبور اللي في ابو رواش

زحمة كالعادة فضلت مستني الاستاذ المهندس يجي ساعه علي ما جه يعمل check علي العربية ويعرف مشاكلها

جه المهندس بعد عزاب والاستاذ مخنوق اوي من اللي عمال بقلهوله علي مشاكل العربية زي ما يكون هوه عايز العربية تدخل الصيانه يتغيرلها الزيت والفلتر وتاخد عربيتك ومش عايزين نشوف وشك غير في صيانة ال 30000 الف المهم


اول خبطه في الراس طلع فلتر الزيت هديه علي الزيت ال 10000 كيلو بس وطبعا في الحر ده مينفعش احط زيت 10000 قولتله اومال مقولتوش ليه في الاعلان ان الفلتر هديه علي زيت ال 10000 قالي نسينا معلش وبيستظرف سيادته وقلتله علي المشاكل اللي في العربية زي ال ار بي ام بيعلق ساعات لما بكون واقف في اشارة الاقيه طلع علي 1500 علي العداد اكن الواحد معلق رجله علي دواسه البنزين

وتاني حاجه قولتله الجنوط بتاعتكم ديه تغيروها النهارده بد ما اصورلكم قتيل النهاردة لاني رصصت كذا مره وبتتظبط معايا العربية لمدة اسبوع وبترجع الرجه والبرجله من تاني قالي هنشوف مسئول الصيانه هيقول ايه المهم


تالت حاجه قولتله في زي تنتيش خفيف مع تشغيل التكييف وانا ماشي قالي اوك هنشوف وقولته البور تقيل


لقيته بيقولي بس حضرتك هتسبلنا العربية ديه النهاردة قولتله تـــــــــــــــــيــــــ ــــــــــت ليه يعني قالي اللي انتا طالبه ده كتير واحنا اخيرنا هنا لحد الساعه 5.30 قولتله ده عند امه يا ادهم قالي اصل طالباتك كتير وانا اساسا كنت جيبت اخري معاه المهم المفاجاة




قعد يحسب حسبته وقلي الصيانه هتتكلف عليا 700 جنيه قولته تــــــــــــــــــــــــ ـــيـــــــــــــــــــــ ت

اول الكوارث بيقولي الصيانه ب 290 جينه قولتله تـــــــــــــــيــــــــ ــــــت

قولتله انا لو خليت واحد جمعلي العربية ديه حته حته بعد ما يفكها حته حته مش هديله 200 جنيه تقولي انتا 290 جنيه قلي اصل ده مبلغ صيانة ال 20000 قولتله انجز



قالي فلتر هوا ب 60 جنيه

وفلتر بنزين ب 60 جنيه

وبوجيهات ب 60 جنيه

وزيت 7000 كيلو ب 190 جنيه

وكل ده وبينرفزني وبيقولي مفيش زيت 5000 كيلو اللي موجود ال 7000 ومعلهوش فلتر زيت هديه


قولتله في ايه يا عم الحج اومال فين خصم ال 70% علي قطع الغيار لقيته بيرد عليا بكل برود بيقولي الخصم مش علي كل قطع الغيار وبيقولي تقريبا هتدخل التكلفة في 700 جنيه قولتله ليه راكب بي ام دبليو اعملي يا عم تصريح خروج مش عامل ام الصيانه ديه وخدت بعضي ومشيت من خنقتي



يا ريت تقولولي لو حد مكاني كان هيعمل ايه