الحمد لله
أنا لسه داخل البيت حالا
مقدرتش أنام من غير ما أشارك فى الموضوع ده بصراحة
كان لقاء قصير فى حساب الزمن لكن كبير فى أثره على و أعتقد على كل واحد حضر اللقاء ده
الأكيد إنى تشرفت بالمقابلة كل الحضور و استمتعت جدا بالتعرف على الجميع من أول عمدة مصر موتورز فى إسكندرية م / نبيل عبد الرحمن و شباب مصر موتورز فى العجمى إللى حضورهم أسعدنى جدا جدا و أضاف للمقابلة روح جميلة و ربنا يخليلنا الكورس إللى إتلغى و دعواتى لهم بالتوفيق فى الإمتحانات إن شاء الله ،مرورا بالأستاذ أيمن الخلوق المحترم إللى ملحقتش أتعرف عليه أكتر و أخيرا فريق الزيرو أستاذ أحمد بدر و أستاذ بدر بسيونى (بس على فكرة ده تشابه ....... ( مشيها أسماء) إنما هما مش قرايب) كمان مننساش أستاذ أشرف إللى رغم مشاغله حرص على الحضور و سلم علينا و بجد لفتة تبين قد إيه حرصه على التواصل مع الجميع المرة الجاية لازم تعمل حسابك تقعد معانا وقت أطول
شكرا أبو نورا على المجهود الكبير إللى عمله علشان يكون موجود معانا و شكرا أستاذ أحمد أنور على حرصه على الحضور رغم إنشغاله مع العائلة
يا رب تكون دى بداية صداقة ممتدة بينا كلنا و المرات الجاية نشوف أعضاء إسكتدرانية أكتر و أكتر بإذن الله
فى إنتظار الجميع فى بورسعيد قريب إن شاء الله