رد: سؤال عن ال فيات 127 سوبر فيورا مو 88
السلام عليكم و رحمة الله و بركاته
بالنسبة للسعر أعتقد هيكون في حدود ال 15 ألف
بالنسبة للإجراءات كالتالي:
خلي صاحبها يجيبلك شهادة براءة الذمة من نيابة المرور
و بعدين يعملك عقد البيع لو هتنقل الرخصة باسمك لو مش هتنقل يبقى كفاية توكيل بالبيع و الإدارة أو الإدارة بس و هتحتاج صورتين لبطاقته.
كل اللي جاي ده في المرور:
بعدين تروح المرو تجيب ملف تجديد رخصة ملاكي 3 سنين (لو هتنقل العربية باسمك هتحتاج مع الملف أورنيك فحص)
بعدين تروح لكشك أي شركة تأمين تدفع تأمين 3 سنين (السنة = 70 جنيه تقريبا)
بعدين بتعمل حاجة اسمها الاستعلام الأمني
و بعدين لو هتفحص خد العربية و قف في طابور الفحس و خلي حد يرفعلك رقم الموتور و الشاسيه و بعدين تروح على مهندس الفحص و الظابط يأشروا على الورق سواء مطابق أو لاء
بعدين تخرج بالعربية و وترجع بالورق و الطفاية لشباك الفحص تكمل بقيت البيانات و تفحص الطفاية.
بعدين تروح شبك التجديد بتاع الملاكي حسب نمرة العرية و تكمل اجراءاتك هناك
بعدين تدفع الضريبة
و أخيرا تستلم الرخصة الجديدة
|