رد: مَتركنش صف تاني
معاك حق يا ابو عامر ،،
حاجة بقت تحنق ،، و بقه طبع عام
و كمان مبقتشي حكاية خمس دقايق و لا حتي يعرف حد هوا فين
من اسبوع كده كنت راكن في منطقة زحمة في مدينة نصر
و كمان بعيد عن مطرح ما عايز اركن عشان مكونشي صف تاني ،، اعرض عربيتي للخطر
و أقفل علي حد تاني و اعطله
روحت اخد عربيتي لقيت عربيتين قافلين عليا
و اسأل الأمن و البوابين و في القهاوي و المحلات مش عارف أوصل لصحاب العربيات
أكتر من نص ساعة
آخر ما زهقت طلعت من فوق الرصيف و مشيت عليه لحد مالقيت حته واطية شوية و نزلت من عليها
كان نفسي اسيبلهم ورقة شتيمة
أو أعمل زي الناس المؤذية و أفسيلهم عجلة
بس ربنا هداني و خدت بعضي و مشيت
أساسا كنت مااصدق اطلع من الحبسة
|