رد: octavia or passat or jetta
يا باشا الباسات منصحكش بيها في مصر لعدة اسباب:
1-بنزين 95 عشان موتور fsi
2-الاداء مش هتلاقيه زي ما هو متوقع من العربية و الابهار اللي بيحصل للواحد اول ما يسمع اسم passat لان العربية تقيلة جدا علي 1600 سي سي
3-الفتيس صيني و اتفك في الحرفيين بالفعل و مكتوب عليه made in china و كان مفكوك عشان كان بيتغير
4-قطع غيارها غالية جدا و توكيلها ضايع
5-الباسات عموما فيها مشكلة عامة من اول باسات 99 لحد باسات 2008 اللي هي ان الباسات مش زي باقي العربيات الجر الامامي علي مقصين لا الباسات ترتكز علي 8 مقصات مصنعة من الالمونيوم المقصات ضعيفة مش بستتحمل طرق مصر اللي طبعا حضرتك عارفها و فيها مشكلة كمان ان طقم المقصات غالي الباسات 99 ب 2500 جنيه استيراد و بيعدي 4000 جنيه للجديد ما بالك موديل 2008 في مشكلة تانية متعلقة بالمقصات ان اي عربية بورا مثلا او جيتا ممكن تغيرلها جلب مقصات اللي بتمتص الصدمات عادي جدا انما الباسات لا متقدرش تغيرلها جلب مقصات لان اساسا ملهاش جلب مقصات في السوق بتتضطر تغير طقم المقصات بالكامل و معني جملة (ملهاش جلب مقصات في السوق) مش معناها ان المستوردين مبيجيبوهاش لا معناها ان العربية دي اساسا ملهاش جلب مقصات...
الجيتا مفهاش غير مشكلتين التوكيل و غلاء قطع الغيار لكن للامانة العربية دي مش المانية خالصة و ظهرلها عيوب في الفتيس مع بعض الناس مش كل الناس مشاكل معدودة علي الصوابع يعني مش كتير و لو جبت الجينا تجيبها مواصفات خليجي لان المصري مبالغ في سعرها اوي و هتعوض حته ان التوكيل مبيضمنهاش بأن مراكز الخدمة اللي بيفهموا فيها كتير و بيبقوا ارخص من التوكيل طبعا
الاوكتافيا رغم ارتفاع سعرها حققت مبيعات ممتازة في مصر و اثبتت كفاءة و اعتمادية عالية و محدش اشتكي منها عربية فخمة و موتورها قوي و هي الاعلي من ناحية الاداء من الجيتا و الباسات نظر لقلة حجمها عنهم و قلة وزنها عنهم و ارخصهم في السعر و احسنهم من ناحية التوكيل و لم يظهر لها مشاكل جوهرية مع اي حد
اتمني اكون افدتك.....
__________________
IBIZA
التعديل الأخير تم بواسطة mohamed ibiza ; 20-01-2009 الساعة 07:23 PM
|