انا عندى فكرة فى دماغى بسأل نفسى كل يوم لو كل رجل اعمال مصرى عمل على اد ميقدر منها هنبقى احلى بلد فى العالم و دخلة هيزيد اضعاف الاضعاف
اولا الفكرة كالاتى :
انا هعمل مشروع و مش قومى لانى مش عايز افيد البلد انا عايز افيد الناس الغلابة اللى فى البلد من كل الانواع و الاديان و الاشكال و الاعمار
المشروع هو : هعمل مصانع كتير و شركات فى كل انواع المجلات و محلات و مواصلات عامة اشغل اكبر قدر ممكن من الناس كل واحد يقدر يعمل حاجة هخلية يعملها اللى بيعرف يسوق اجيبلة اتوبيس ينقل الناس اللى بيعرف يصلح اخلية يصلح مكن المصانع اللى بيعرف يرسم افتحلة جاليرى اللى عايز يمثل انتجلة فيلم بس يكون كوميدى هههه الغلابة اعلمهم اى حاجة و اشغلهم يعنى مش عايز اخلى بطالة و المرتبات عندى تبقى اعلى من اى حتى يعنى السواق بياخد فى مكان مثلا 1000 مش بيكفوة فى الشهر و بيطلعلى اكتر بكتير انا هاخد جزء من مكسبى و اديلة 1500 ل 2000 حسب دخل المشروع يعنى مش عايز مكسب كتير لانى اصلا معايا
و هكذا على كل حاجة فاتح مصنع شايلة مديرين حلوين بدل ما ياخدوا 10 الاف فى الشهر ياخدوا 20 و بردوا هيطلعلى مكسب خيالى كل شهر العمال نفس الكلام علشان مخليش حد فقران كل الناس توصل لمستوى حلو زى برة كدة و مش مهم يبقى عندى عمالة زايدة طول ما المكسب شغال هوزع منة على الناس و هديلهم حقهم و اكتر علشان يحبوا شغلهم و يكونوا عارفين قيمتة و تخيلوا لما يبقى عندى الكمية دة من الناس و المصانع و الشركات هيبقى مكسبى اد اية اقدر ازود دخلى و فلوسى تعلى عن المليار العجزة بس هما اللى هيديهم كل اللى يحتاجوة فى ايديهم الا الفلوس كل حاجة هشرف عليها بنفسى مش هخلى ناس هما اللى يعملوا كدة هخلى الكل يبقى بيقدر يوصلى هحط مستاشرين بس هيبقوا من رجال الدين كلهم مش عاديين يعنى الضمير عندهم يتههيلى اكتر من الناس التانية هحاول اعمل دولة صغيرة طبعا الحكومة مش هتسبنى فى حالى هتقولى النسبة بتاع المكاسب بس فعشان كدة فلوسى كلها هتبقى فى بنوك برة هحاول اصلا ابقى من الحكومة و كبير جواها كمان و تخيلوا الناس هتعيش ازاى مرتاحة و يعرفوا يشتغلوا و ينتجوا و يعيشوا حلو و مرتاحين لكن مفيش حاجة اسمها اجوز يتيم لا انا اشغل اليتيم يتعب ياخد منى فلوس يجوز بيها لكن الكلام اللى بتقولوة دة هو اللى عود الناس على الكسل بياخدوا على الجاهز علشان كدة احنا شعب خمول فية يوم فى الاسبوع اجازة رسمية حتى لو الدنيا بتولع مش هكسرة هحاول اشترى طيارة خاصة علشان فى اى وقت لو الحكومة ناوية تغتالنى ابقى اهرب بقى طبعا هبدا و الكلام دة مش هيتحقق غير بعد كتير يعنى افتح مصنع و بعدها سنتين مصنع تانى و بعدها كل سنة 20 30 محل و الشركات هحاول اخلى الناس بجد تبقى كويسة مع بعضها هصلى و ادعى على اد ما اقدر ان احنا نبقى كويسين و نحب بعض و نعيش فى سلام طبعا هصرف على نفسى بالهبل و ازبط نفسى علشان تبقى دماغى صافية على الاخر و مستريع علشان اعرف افكر للناس دية يعنى مش كلة كدة شغل فى شغل
و بعد ما اعمل كل دة و ازود الناس فى مرتبتها و اخليهم مرتاحين علشان يدونى نتايج احلى و ادفع ضرايبى و الحكومة تمصلح منى حقها المكسب اللى بقيلى بردة هيبقى حلو ازود بية و اخلف عيال كتير اوى ان شاء الله يمسكوا كل دة من بعدى و هبهدلهم مش هدلعهم علشان يطلعوا رجالة يعنى هخليهم يطلع عنيهم علشان ياخدوا منى القرش بس يوم ما هطلع عينة جدا مثلا علشان حاجة هتبقى الحاجة قيمة جدا
الحاجة اللى مخليا بلدنا فعلا متاخرة و متخلفة هيا البعد عن ربنا و الجهل و النفسنة و الفقر لو اتحلوا هنبقى احلى بلد فى العالم مع المساحة الواسعة اللى عندنا و الطبيعة الحلوة
يعنى مش هخلى اصلا الواحد ياخد رشوة علشان يعمل حاجة مش تمام و هو فرحان فية انى بمص دمة لا اللى هحاول اعملة انى اشغل الشعب من غير مص الدم
النهاية مكسبى هيبقى كالاتى : 10% ضرايب 50% للحكومة عشان يسبونى اعيش 20% للعجزة فعلا و كبار السن و المشتشفيات و الجميعات اللى محتاجة و الحالات اللى محتاجة 10% للمكافات
هيتقبقالى 10% خير و رضا و زى الفل كدة لو طمعت ربنا مش هيوفقنى لما يبقى بيدخلى ملايين فى الشهر تقرب ال 200 مليون 10% منها يعنى بلاوى ازبط نفسى ب 20 مليون كل شهر انا مش محتاج اكتر من 500 الف مصاريف شخصية لية و للعيال هههههههه و الباقى هفتح بية حجات تانية بردة مانا خططى شهرية و سنوية
المشاريع الشهرية هتبقى ب 19.5 مليون فى الشهر طبعا دة اول سنة بعد كدة اضرب كل دة فى اتنين كل سنة اضرب فى اتنين
دة غير اول سنة هتبقى المشاريع ب 800 مليون و 100 للحكومة و 100 ضرايب و رشاوى اول سنة علشان نعرف ندا الكلام دة كلة